1 Vimyene 12:33 - Livulu lya Shukulu Kalunga

³³ Co a litangwa lyamulikumi na atanu ku ngonde yamucitanu na vitatu, a litangwa lije lyemikile, Yelovowame waile ku Mbetele nakukombelela n̄ombelo a mutula mukulisamba a ciwano cije cemikilile vanu va Isalele.

1 Vimyene 12:33 Iomraidhean Croise

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

2 Vimyene 16:12

Omo Ahaze watundile ku Ndamasiku, wawanene mutula unahu laja,

2 Vimyene 17:32

Vanu ava valemesele lalo Shukulu Kalunga, co vaangwile vanu akati kavo kupwa vaka-kukombelela ku mitambela ije vakele nakulemesela vaka-kujeneka kukulaela, nakukombelelako vin̄ombelo vyavo kuje.

2 Mizimbu 17:4

Ikeye wapangelele Njambi ya ishe, wononokele mashiko a Njambi, co kalingile vilinga vije vivalingile vimyene va mu Isalele embwe.

2 Mizimbu 26:6

Uziya waile ku nzita nakulwisa vaFilisitiya. Wasiwile vivumbe vya vinganda vya Ngate na Njaminiya na Ashendonde, co watungile vinganda vya vimpaka kuyehi na Ashendonde na mu lifuti lyoshe lya Filisitiya.

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Mateo 15:6

kapandele kusingimika ishe. Mu ngila eyi munazimangana lishiko lya Njambi ngeci mukavangeye vilongesa vyeni.

Mako 7:13

Mu ngila eyivene munatengulula majwi a Njambi kuwapwisa angoco na vilongesa mulinakulongesa vakweni. Co kuvili vyuma vyavingi vyakufwa ngacije vije vimukalingi.”

1 Samwele 13:12

Ngecivene, njayongwele ngwange, ‘VaFilisitiya vaija nakunjilwisa kuno ku Ngilingale, co kunjalombele ngozi ya Shukulu Kalunga.’ Ngecivene, njakombelelele n̄ombelo ya kwenyeka.”