1 Vimyene 12:21 - Livulu lya Shukulu Kalunga

²¹ Omo Lehovowame wetele mu Yelusalema, wakungulwile vamo mashwalale vakupwa 180,000 vakulwa mwamuvwa va ku miyati ya Yunda na Mbenjemani. Washakele kukalwa nzita ngeci elwise nzili yendi yakushwana miyati ya Isalele ya ku kunto.

1 Vimyene 12:21 Iomraidhean Croise

1 Vimyene 11:32

Solomoni akanyunga lika muyati umo, omwo ali ngamba yange Ndaviti na omwo ali Yelusalema, nganda ije injinaangula mu lifuti lyoshe lya Isalele.

1 Vimyene 14:30

A simbu yoshe eyi Lehovowame na Yelovowame vakele nakulilwisa umo na mukwavo.

1 Mizimbu 21:5

Co wanenele vukaleo kuli Mwene Ndaviti vwa vungi vwa vanu voshe vaje vapandele kukovela vipangi vya vushwalale mu Isalele, vapwile 1,100,000, co mu Yunda vapwile 470,000.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 14:8

Mwene Asa wakele na mashwalale vakupwa 300,000 va ku Yunda, vaje vambatele vintelo na makunga, na vanalume vakupwa 280,000 va ku Mbenjemani, vaje vambatele vintelo na mata a lusipa. Voshe vapwile vakusimpa, vanalume vaje vavalongesele mwamuvwa kulwa nzita.