1 Vimyene 12:16 - Livulu lya Shukulu Kalunga

¹⁶ Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Eni vanalume va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

1 Vimyene 12:16 Iomraidhean Croise

2 Samwele 15:13

Co umo muluwa wanenele vukaleo kuli Ndaviti ngwendi, “VaIsalele vanatengulukila kuli Avisalome.”

2 Samwele 16:11

Ngecivene, Ndaviti wendekele kuli Avishai na kuli vamyata vendi voshe ngwendi, “Munange vene ikeye alinakushaka kunjitsiya, ngecivene, omwo vikajo mulinakukomoka ou kaMbenjemani? Shukulu Kalunga ikeye namuleke kunjisinga, ngecivene, mweceleni acilinge.

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

1 Vimyene 11:11

Ngecivene, Shukulu Kalunga wendekele kuli Solomoni ngwendi, “Omwo unapokola cikumiiyo cange nove, co unalimbulula mashiko ange, njalisingi ngeci njikatundisa vumwene kuli yove, co njikavwana kuli vamyata vove.

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Vimyene 11:34

Oloni kunjikatundisa vumwene vwoshe kuli Solomoni embwe, njikamutava ngeci ashwane lifuti omo acili nakuyoya. Njikalinga eci omwo ali ngamba yange Ndaviti, uje njaangwile, uje wononokele mashiko ange na vizilika vyange.

1 Vimyene 11:35

Njikatundisa vumwene kuli muna Solomoni, co njikakwana miyati likumi,

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 11:39

Omwo a vuvi vwa Solomoni njikahisa vatekulwila va Ndaviti, oloni kesi simbu yoshe embwe.’ ”

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

1 Vimyene 22:36

Co omo litangwa lyatokele, mutambi wetile mu mbunga yoshe ya vaIsalele ngwavo, “Munu na munu eluke ku lifuti lyendi na ku limbo lyendi!”

2 Mizimbu 10:16

Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Yetu kutwesi na vushwana mu naanga ya Njesi. Yetu vanu va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Visimo 15:1

Kukumbulula kwakuvwa kwolwesa vukalu, oloni lijwi lyakuvavalesa mbunge, lishangumuna vukalu.

Isaya 7:17

“Shukulu Kalunga akanena ali yove, na ali vanu vove, na ali naanga yoshe ya vumwene, matangwa a tuyando twakama kutuvakana matangwa a tuyando aje akeleko tunde aje vwalitepesele vumwene vwa Isalele na Yunda, ikeye akanena mwene wa Asilya ngeci akumilwise.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Njelemiya 33:21

Mu ngila eyi vene njalikumiiya cikumiiyo na ngamba yange Ndaviti, ngeci simbu yoshe akakala na mutekulwila wendi uje akapwa mwene, co njalikumiiya cikumiiyo na vaka-kukombelela va ku muyati wa Levi, ngeci simbu yoshe vakanjipangela, co vikumiiyo evi kuvikapokoka.

Ezekiyele 37:16

“Muna munu, nona citi, co sonekao ngwove, ‘Vumwene vwa Yunda.’ Co nona citi cikwavo, co sonekao ngwove, ‘Vumwene vwa Isalele.’

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.

Luka 19:14

Oloni vanu va mu lifuti lyendi vamuzindile manene, co vatumine miluwa munima yendi ngwavo, ‘Ou munalume kutumushaka apwe mwene yetu embwe.’

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 13:8

Petulu wendekele na nzili ngwendi, “Kuujwelesa ku mendi ange embwe!” Yesu wakumbulwile ngwendi, “Nga kunjijwelesa ku mendi ove, kuwasa kupwa lalo ndongisi yange.”

Maako 8:35

Co vaIsalele kuvakandelelele ku naanga ya Ngilyone ku vyuma vyoshe vyavivwa vije vyalingile kuli Isalele.

Maako 9:28

Ngale wendekele ngwendi, “Tunapu vanu va muyati uka yetu va ka Shekeme? Omwo vikajo tulinakupangela Avimeleke? Nambe ngoco, ou ikeye iyajo? Ikeye napu muna Ngilyone! Co Zevule wakele nakutambula mashiko kuli ikeye, oloni omwo vikajo tulinakumupangela? Singimikeni kukulwila yeni Hamole, ikeye vavenya cikota!