1 Vimyene 11:7 - Livulu lya Shukulu Kalunga

⁷ A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 11:7 Iomraidhean Croise

Kushangumuka 33:2

Akulivanga watwamekeleko vaje mashano vendi va mbanja amo na vana vavo, asinoni Leya na vana vendi, co vakumaneselako Lakele na Yosefa.

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 11:6

Co walingile vuvi ku mesho a Shukulu Kalunga, kapwile lalo muka-vushunga ngwe mwalingile ishe Ndaviti.

1 Vimyene 11:8

Co lalo watungile mitambela yakulemesela kuje vanakazi vendi voshe vaje vaka-vifuti vyeka vase kwenyekelako insense nakukombelela vin̄ombelo ku vinjambi vavo.

1 Vimyene 15:12

Ikeye washekele mu lifuti vikwizi voshe va vanalume na ava va vanakazi, vaje vakele nakupanga ku mitambela ije ivakele nakulemesela vaje vaka-kujeneka kukulaela, co ikeye watundisile tumponya twoshe tuje tuvalingile vaje vaashwanene.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Mizimbu 21:11

Co mu Yunda na mu mafuti a malundu watungililemo myela yakulemesela vinjambi va vaka-kujeneka kukulaela, co watwamenenene vanu va mu Yunda na vanu va mu Yelusalema kulinga vuvi ku mesho a Shukulu Kalunga.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Isaya 44:19

Muka-kushonga tumponya kesi na mana nambe kunyanyama ngeci endeke ngwendi, “Vitale vimo njinavyenyeka. A manungu avyo, njinocoo situ nakuyilya. Citi cije casaleleo njacishongele kamponya. Vikoni njikulamena asi nakulemesa cimbundi ca citi?”

Njelemiya 32:31

Vanu va mu nganda eyi vananjiluvalesa manene kutunda ku litangwa lije vaitungile. Ngecivene, njayongola kuyinyongesa,

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 48:46

Luvinda lwa vanu va ku Mowavi! Vanu vaje valemesele Kemoshe vanavanyongesa, co vana vavo va vanalume na ava va vanakazi, vanavatwala ku vunzinda.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Zakaliya 14:4

A litangwa lije akemana a Munkinda wa Oliveta, mu ngangela ya Yelusalema. Asinoni Munkinda wa Oliveta ukatavuka akati kushangumuka mu ngangela kweta na mu kangombe ka yambi, co cimbongo cakama manene cikakala mukati. Co litambelo limo lya munkinda likashwenya ku kunto likwavo mu mbwela.

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.

Kulava 33:52

munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela.

Mateo 26:30

Co omo vamanesele kwimba mwaso, co vatuukile vaile ku Munkinda wa Oliveta.

Vilinga vya Miluwa 1:12

Asinoni miluwa velukile ku Yelusalema kutunda ku Munkinda wa Oliveta, kapwile ngwe kanunda ka kilomita imolika kutunda mu nganda.

Vilinga vya Miluwa 1:9

Omo vamanesele kwendeka vyuma evi, vamutwalele mwilu oku vamukengelela, co lishelwa lyamufwikile kuvamumwene.

Vilinga vya Miluwa 7:43

Co yapwile mbalaka ya njambi Moleki ije mwambatele, na cifwa ca Lefane, njambi yeni wa vingongonosi, ava vakevo tumponya tweni mwapangele ngeci muvalemese. Co njikamituma ku vunzinda musambwa ya Mbambilone.’

Kwituluka mu Mashiko 13:14

Co nga mukaziva lingwavo lyangacije, munapande kwilula nga ikeyo inapu n̄anda ya vushunga, cuma cangacije ca vunyengwe cinalingiwa akati keni,

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Maako 11:24

Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.