1 Vimyene 11:6 - Livulu lya Shukulu Kalunga

⁶ Co walingile vuvi ku mesho a Shukulu Kalunga, kapwile lalo muka-vushunga ngwe mwalingile ishe Ndaviti.

1 Vimyene 11:6 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

1 Vimyene 9:4

Nga ukanjipangela mwamuvwa na kulongwa, ngwe mwalingile isho Ndaviti, co nga wononoka mashiko ange nakulinga vyuma vyoshe vije njakushiki,

Kulava 14:24

kuvanga ngamba yange Kalembi omwo ikeye ali na viyongola vyeka, co ikeye wapwa wa kulongwa. Njikamutwala mu lifuti lije lyakanengele, co vatekulwila vendi vakashwana lifuti lije mu vyana vyalyo mwakala vaAmaleke na vaKanana.

Yoshwa 14:14

Ngecivene, Hevelone na lelo lino yapwa vushwana vwa naanga ya Kalembi muna Njefune kaKeni, omwo ikeye wakulaelele nakwononoka Shukulu Kalunga Njambi ya Isalele na mbunge yendi yoshe.

Yoshwa 14:8

Oloni vaje vanu njaile navo, nameme vakevo vazivisile lyova vanu vetu, oloni yange njakulaelele nakwononoka Shukulu Kalunga Njambi yetu na mbunge yange yoshe.