1 Vimyene 11:5 - Livulu lya Shukulu Kalunga

⁵ Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 11:5 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:6

Co walingile vuvi ku mesho a Shukulu Kalunga, kapwile lalo muka-vushunga ngwe mwalingile ishe Ndaviti.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

2 Vimyene 23:13

Yosiya wasiwile mitula ije yatungile Mwene Solomoni mu ngangela ya Yelusalema, ku mbwela ya Munkinda wa Oliveta, yakulemesela tumponya twa vunyengwe, Asitalete njambi wa munakazi wa ku Sindone na Kemoshe njambi wa Mowavi na Moleki njambi wa Amoni.

Isaya 44:19

Muka-kushonga tumponya kesi na mana nambe kunyanyama ngeci endeke ngwendi, “Vitale vimo njinavyenyeka. A manungu avyo, njinocoo situ nakuyilya. Citi cije casaleleo njacishongele kamponya. Vikoni njikulamena asi nakulemesa cimbundi ca citi?”

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’