1 Vimyene 11:4 - Livulu lya Shukulu Kalunga

⁴ omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

1 Vimyene 11:4 Iomraidhean Croise

1 Vimyene 11:2

Wavambatele nameme Shukulu Kalunga washikile vaIsalele ngeci kesi valyambatele na vanu vaje, omwo vakatangula vimbunge vya vaIsalele kukava vinjambi veka, oloni Solomoni wakakateyeye ku vanakazi vaje.

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 11:42

Solomoni wapwile mwene mu Yelusalema na mu Isalele mwoshe a myaka makumi awana.

1 Vimyene 11:6

Co walingile vuvi ku mesho a Shukulu Kalunga, kapwile lalo muka-vushunga ngwe mwalingile ishe Ndaviti.

1 Vimyene 11:9

Shukulu Kalunga waluvalele na Solomoni, omwo kononokele, co wakengesele nima kuli Shukulu Kalunga, Njambi ya Isalele, uje washolokele kuli ikeye visimbu vivali,

1 Vimyene 14:21

Lehovowame muna Solomoni wakele na myaka makumi awana na mwaka umo omo wapwile mwene mu Yunda, co washwanene myaka likumi na itanu na ivali mu Yelusalema, nganda ije yaangwile Shukulu Kalunga mu mitambela yoshe ya Isalele kupwa mwela uje wakumulemesela. Vaina ya Lehovowame vapwile Nama wa ku Amoni.

1 Vimyene 15:14

Nameme Asa kanyongesele mitambela yoshe ije ivakele nakulemesela vaje vaka-kujeneka kukulaela, oloni ikeye wakulaelele kuli Shukulu Kalunga mukuyoya kwendi kwoshe.

1 Vimyene 15:3

Ikeye walingile vuvi ngwe mwalingile lalo ishe, co kapwile wa kulongwa kuli Shukulu Kalunga Njambi yendi, ngwe mwapwile kukulwila yendi Ndaviti.

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

1 Vimyene 6:1

Omo kuneti laja myaka 480 kutunda aje vanu va Isalele vatundile ku Ingito, a mwaka wamuciwana wakushwana kwa Solomoni mu Isalele, mu ngonde yamucivali, ngonde ya Zive, Solomoni washangumukile kutunga Njuvo ya Shukulu Kalunga.

1 Vimyene 8:61

Yeni vanu vendi, simbu yoshe pweni vaka-kulongwa kuli Shukulu Kalunga Njambi yetu, ononokeni mashiko endi oshe nakushika kwendi, ngwe mumuli nakulinga ku litangwa lya lelo.”

1 Vimyene 9:10

Solomoni wambatele myaka makumi avali kutunga Njuvo ya Shukulu Kalunga na lipela lyendi.

1 Vimyene 9:4

Nga ukanjipangela mwamuvwa na kulongwa, ngwe mwalingile isho Ndaviti, co nga wononoka mashiko ange nakulinga vyuma vyoshe vije njakushiki,

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:19

Ana munange Solomoni mbunge yakulumbunuka, ngeci anyunge vyuma vyoshe vije viwunamushiki, nakutunga Njuvo yove injinavwaesela cimweja vyuma vyakutungisa.”

2 Mizimbu 17:3

Shukulu Kalunga wavezikisile Njosefati omwo wakavangeyeye cimweso cakulivanga ca ishe, co kalemesele Mbale embwe.

2 Mizimbu 25:2

Walingile vije vyavwaelelesele Shukulu Kalunga, oloni kavilingile na mbunge yendi yoshe embwe.

2 Mizimbu 34:2

Yosiya walingile vije vyavwaelelesele Shukulu Kalunga, co watembunwinine kukulwila yendi Mwene Ndaviti, wononokele mashiko oshe a Njambi.

Kutuuka 20:3

“Kesi mulemese njambi weka kuvanga yange lika.

Kwituluka mu Mashiko 17:17

Co mwene kesi akakale na vanakazi vavangi embwe, kutewa mbunge yendi ikatanguka kuli Shukulu Kalunga, nambe kesi akalitumisile ikeye vavenya siliva na ngolinde.

Kwituluka mu Mashiko 7:4

Vakevo vakatangula vana veni va vanalume kukava Shukulu Kalunga nakulemesa vinjambi veka. Eci cikashambeya vukalu vwa Shukulu Kalunga, co akaminyongesa a simbu ije vene.