1 Vimyene 11:37 - Livulu lya Shukulu Kalunga

³⁷ Yove Yelovowame, njikakupwisa mwene wa mu Isalele, co ukashwana mutambela woshe uje uushaka.

1 Vimyene 11:37 Iomraidhean Croise

2 Samwele 3:21

Co Avinele wendekele kuli Ndaviti ngwendi, “Ololo oni njikafungulula Isalele yoshe ngeci ikale ku mutambela wove shukulu yange. Vakakutambula kupwa mwene, co ukambata vyoshe viwushaka, co ukashwana lifuti lyoshe.” Ngecivene, Ndaviti washuwile Avinele, co waile mwamuvwa.

1 Vimyene 11:26

Munalume mukwavo watengulukilile Mwene Solomoni nakumulwisa wapwile umo wa vamyata vendi, lizina lyendi Yelovowame muna Nembate, wa ku Zelenda mu Efalime. Vaina vapwile fwile lizina lyavo Zeluwa.

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 12:20

Omo vanu va Isalele voshe vazivile ngeci Yelovowame neluka kutunda ku Ingito, vamulanyele ku cikungulukilo ca vanu voshe, co vamupwisile mwene wa mu Isalele. Kuvanga muyati wa Yunda lika vakevo vononokele ku vatekulwila va Ndaviti.

1 Vimyene 14:7

Ya ukaleke Yelovowame ngwove evi vikevyo vyanendeka Shukulu Kalunga, Njambi ya Isalele, ngwendi, ‘Njakwangwile akati ka vanu nakukupwisa muka-kushwana vanu vange va Isalele.

Kwituluka mu Mashiko 14:26

Co mukalanda cuma coshe cimukashaka na vimbongo vije, nambe situ ya ngombe, nambe situ ya manga, nambe vinyu, nambe vyakunwa vyakulula, co mukavilila kuje ku mesho a Shukulu Kalunga Njambi yeni nakujolela, yeni na vavushoko vweni.