1 Vimyene 11:36 - Livulu lya Shukulu Kalunga

³⁶ oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 11:36 Iomraidhean Croise

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

2 Samwele 22:29

Yove Shukulu Kalunga wapwa ceke cange, tundisa lisusulungu lyange.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

2 Samwele 7:29

Ngecivene, njikulomba uvezikise vatekulwila va ngamba yove, ngeci vayoye simbu yoshe ku mesho ove. Yove Shukulu Kalunga, wa Akamwa ya Vyoshe, wakulaesele evi, co vivezikiso vyove vikakala ali vatekulwila vange simbu yoshe.”

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Vimyene 11:32

Solomoni akanyunga lika muyati umo, omwo ali ngamba yange Ndaviti na omwo ali Yelusalema, nganda ije injinaangula mu lifuti lyoshe lya Isalele.

1 Vimyene 11:37

Yove Yelovowame, njikakupwisa mwene wa mu Isalele, co ukashwana mutambela woshe uje uushaka.

1 Vimyene 12:17

co vasezele Lehovowame kupwa lika mwene wa vanu vaje vakele mu mutambela wa Yunda.

1 Vimyene 14:21

Lehovowame muna Solomoni wakele na myaka makumi awana na mwaka umo omo wapwile mwene mu Yunda, co washwanene myaka likumi na itanu na ivali mu Yelusalema, nganda ije yaangwile Shukulu Kalunga mu mitambela yoshe ya Isalele kupwa mwela uje wakumulemesela. Vaina ya Lehovowame vapwile Nama wa ku Amoni.

1 Vimyene 15:4

Oloni omwo ali Ndaviti, Shukulu Kalunga Njambi yendi waanene Aviya mwana wa munalume amushwane mu Yelusalema mukunyunga Yelusalema mwamuvwa.

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 8:29

Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

1 Vimyene 9:3

Co Shukulu Kalunga wendekele kuli ikeye ngwendi, “Njinazivi lilombelo lyove. Njinajelesa Njuvo eyi unatungu kupwa mwela uje vakanjilemesela ku myaka yoshe. Njikainyunga simbu yoshe.

2 Vimyene 8:19

oloni Shukulu Kalunga kashakele kunyongesa Yunda embwe, omwo wakulaesele laja ngamba yendi Ndaviti ngeci vatekulwila vendi vakashwana simbu yoshe.

2 Mizimbu 12:13

Lehovowame washwanene mu Yelusalema, co vumwene vwendi vwakolele manene. Wakele na myaka makumi awana na mwaka umo omo wapwile mwene, washwanene myaka likumi na itanu na ivali mu Yelusalema, nganda yaangwile Shukulu Kalunga akati ka mafuti oshe a Isalele kupwa mwela wakumulemesela. Lizina lya vaina ya Lehovowame lyapwile Nama wa ku lifuti lya Amoni.

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,