1 Vimyene 11:34 - Livulu lya Shukulu Kalunga

³⁴ Oloni kunjikatundisa vumwene vwoshe kuli Solomoni embwe, njikamutava ngeci ashwane lifuti omo acili nakuyoya. Njikalinga eci omwo ali ngamba yange Ndaviti, uje njaangwile, uje wononokele mashiko ange na vizilika vyange.

1 Vimyene 11:34 Iomraidhean Croise

2 Samwele 7:14

Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

1 Vimyene 11:31

co wendekele kuli Yelovowame ngwendi, “Ambatao vimbazuvwila likumi, omwo Shukulu Kalunga, Njambi ya Isalele, nendeka kuli yove ngwendi, ‘Njikatundisa vumwene kuli Solomoni, co njikakwana miyati likumi.

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:35

Njikatundisa vumwene kuli muna Solomoni, co njikakwana miyati likumi,

1 Vimyene 3:14

Co nga ukanjononoka nakunyunga mashiko ange nakushika kwange, ngwe mwalingile isho Ndaviti, co njikatumisa matangwa akuyoya kwove.”

Yombi 11:6

Nga nakuleka omwo kuyili mitambela ya vaka-mana, co kuvili vyuma vyakulova manene kuli munu vije kasa kuzivuka. Njambi alinakukuhisa kamandondo lika kutuvakana milonga yove.

Myaso 103:10

Ikeye kesi kutuhisa ngwe ku vuvi vwetu embwe, nambe kutwilwisila vuvi vwetu ngwe ku milonga yetu.

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.