1 Vimyene 11:33 - Livulu lya Shukulu Kalunga

³³ Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:33 Iomraidhean Croise

1 Vimyene 11:34

Oloni kunjikatundisa vumwene vwoshe kuli Solomoni embwe, njikamutava ngeci ashwane lifuti omo acili nakuyoya. Njikalinga eci omwo ali ngamba yange Ndaviti, uje njaangwile, uje wononokele mashiko ange na vizilika vyange.

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

1 Vimyene 11:9

Shukulu Kalunga waluvalele na Solomoni, omwo kononokele, co wakengesele nima kuli Shukulu Kalunga, Njambi ya Isalele, uje washolokele kuli ikeye visimbu vivali,

1 Vimyene 14:8

Njatundisile vumwene kuli vatekulwila va Ndaviti nakuvwana kuli yove. Oloni kuwapwile ngwe ngamba yange Ndaviti, uje wapwile wa kulongwa manene kuli yange, uje wononokele kushika kwange, nakulinga lika vije vinjamulekele.

1 Vimyene 3:14

Co nga ukanjononoka nakunyunga mashiko ange nakushika kwange, ngwe mwalingile isho Ndaviti, co njikatumisa matangwa akuyoya kwove.”

2 Vimyene 1:3

Oloni kangelo ka Shukulu Kalunga washikile Elinja, muka-kwimanena wa ku Tisheve, kuya nakuliwana na miluwa va Mwene Ahaziya nakuvehula ngwendi, “Omwo vikajo mukehwila Mbalezevuve njambi wa Ekelone? Yeni mwayongola ngweni mu Isalele kumwesi Njambi ndi?

2 Vimyene 21:22

Ikeye wavyanene Shukulu Kalunga Njambi ya vakukulwila vendi, co kononokele mashiko endi.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

Njelemiya 2:11

Kukwesi muyati watengulukilile vinjambi vavo nameme vapwile vinjambi va makuli. Oloni yeni munakengesa nima yange Njambi yeni uje naminenela kasingimiko, co munakava vinjambi vaje kuvasa kumilingila cuma cimo.

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 48:7

“Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Hoziya 4:17

Vanu va mu Isalele vanaangula kulemesa tumponya. Veceleni vaye mu ngila yavo.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.

1 Samwele 7:3

Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”