1 Vimyene 11:3 - Livulu lya Shukulu Kalunga

³ Solomoni wambatele mashano vakupwa 700, co lalo wambatele mashano va mbanja vakupwa 300. Co vamutundisile kuli Njambi,

1 Vimyene 11:3 Iomraidhean Croise

2 Mizimbu 11:21

Kupandakana voshe, Lehovowame wakele na vanakazi likumi na vatanu na vatatu, co mashano vendi va mbanja vapwile makumi atanu na limo, wakele na vana va vanalume makumi avali na vatanu na vatatu, na vana va vanakazi makumi atanu na limo. Oloni akati ka vanakazi vendi voshe, na mashano vendi va mbanja, wazemeneo manene Maka,

Esita 1:18

Omo vanakazi va vamyata va vumwene vwa Pelesha na Mendiya vakaziva vyakujeneka kwononoka kwa Lishano, co vakalekako vanalume vavo mu vwasi-vwasi. Co kwoshe-ikwoshe vanakazi kuvakasingimika vanalume vavo, co vanalume vakaluvala na vanakazi vavo.

Muka-kwambulula 2:8

Vimyene va miyati yeka vanjinenelele siliva na ngolinde, na vufuko vwa seo yakama. Vanalume na vanakazi vanjimbilile myaso mukunjitundisa malunge, co njakele na vanakazi vavangi.

Muka-kwambulula 7:28

Eci cikeco cuma ciyashakele mbunge yange manene, oloni kunjaciwanene embwe. Njawanene munalume umo muka-vushunga akati ka vanalume 1,000, oloni akati ka vanu 1,000, kunjawaneneo munakazi umo muka-vushunga.

Myaso ya Solomoni 6:8

Nameme kukale vamwene makumi atanu na limo, na mashano va mbanja makumi atanu na atatu, na vambanda vaje naumo wai asa kuvalava!

Myaso ya Solomoni 6:9

Oloni njizema lika ikeye, ikeye napu wamuvwa ngwe katela, mwana wa mumbanda umolika mwimo lya vaina, ikeye ivazema vaina. Vambanda voshe vamukenga, co vamushangazala, vamwene na mashano va mbanja vamukenga, co vamushangazala.

Kwituluka mu Mashiko 17:17

Co mwene kesi akakale na vanakazi vavangi embwe, kutewa mbunge yendi ikatanguka kuli Shukulu Kalunga, nambe kesi akalitumisile ikeye vavenya siliva na ngolinde.

Maako 3:6

Co valyambatelele navo, nakulemesa vinjambi vavo.

Maako 9:5

Co ikeye waile ku njuvo ya ishe ku Ofela, kuje akamwa ya limanya watsiilileo vandolome vendi 70, vana va Ngilyone va vanalume. Oloni Yotame, mutinikila wa Ngilyone, kamutsiile omwo wavandele.