1 Vimyene 11:13 - Livulu lya Shukulu Kalunga

¹³ Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Vimyene 11:13 Iomraidhean Croise

1 Vimyene 11:14

Ngecivene, Shukulu Kalunga watumine Handande, wa ku naanga ya vumwene vwa Endome, kulwisa Solomoni.

1 Vimyene 11:32

Solomoni akanyunga lika muyati umo, omwo ali ngamba yange Ndaviti na omwo ali Yelusalema, nganda ije injinaangula mu lifuti lyoshe lya Isalele.

1 Vimyene 11:39

Omwo a vuvi vwa Solomoni njikahisa vatekulwila va Ndaviti, oloni kesi simbu yoshe embwe.’ ”

1 Vimyene 12:17

co vasezele Lehovowame kupwa lika mwene wa vanu vaje vakele mu mutambela wa Yunda.

1 Vimyene 12:19

Kutunda a simbu ije vene vanu va ku vumwene vwa ku kunto ya Isalele vatengulukilile vumwene vwa Ndaviti.

1 Vimyene 12:20

Omo vanu va Isalele voshe vazivile ngeci Yelovowame neluka kutunda ku Ingito, vamulanyele ku cikungulukilo ca vanu voshe, co vamupwisile mwene wa mu Isalele. Kuvanga muyati wa Yunda lika vakevo vononokele ku vatekulwila va Ndaviti.

1 Vimyene 8:29

Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 19:34

Njikamena nganda eyi nakuyinyunga, omwo lizina lyange, na omwo cikulaeso njalingile kuli ngamba yange Ndaviti.’ ”

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Vimyene 8:19

oloni Shukulu Kalunga kashakele kunyongesa Yunda embwe, omwo wakulaesele laja ngamba yendi Ndaviti ngeci vatekulwila vendi vakashwana simbu yoshe.

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 132:1

Shukulu Kalunga, anuka Ndaviti na tuyando twendi twoshe.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Myaso 89:49

Shukulu Kalunga cilikulijo cizemo cove cije kucesi kutenguluka? Cilikulijo cikulaeso cije walisingile na Ndaviti?

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:5

Oloni mukashakezeka mwela uje wakaangula Shukulu Kalunga Njambi yeni akati ka miyati yeni, kuje vanu vakaija ku mesho endi nakumulemesa.

Kwituluka mu Mashiko 9:5

Kesi omwo kushungama kweni nambe vushunga vwa vimbunge vyeni amukakovelela nakushwana lifuti lyavo embwe, Shukulu Kalunga alinakumishekela vanu ava omwo ya vuvi vwavo, ngeci akolese lijwi lije lyakulaesele kuli vakukulwila veni, va Avilahama, na Isake, na Yakomba.