1 Vimyene 10:3 - Livulu lya Shukulu Kalunga

³ Co Solomoni wavikumbulwile vyoshe, kukwakele cuma cacikalu conwene kulumbununa.

1 Vimyene 10:3 Iomraidhean Croise

2 Samwele 14:17

Co njalyendekesele mu mbunge yange ngwange cikulaeso cove shukulu, casa kunjamena, omwo mwene napu ngwe kangelo ka Njambi, asa kwangununa vyavivwa ku vyavivi. Shukulu Kalunga Njambi yove akale amo nove!”

2 Samwele 14:20

Oloni ikeye nalingi evi ngeci vyuma vyoshe vishungame. Omwo yove shukulu wakala na mana ngwe mana a kangelo ka Njambi nakuzivuka vyuma vyoshe vije vilingiwa.”

1 Vimyene 10:1

Omo vamwene wa ku Shemba wazivile lutsimo lwa Solomoni, co waile ku Yelusalema mukumweseka na vihula vyakukaluwa.

1 Vimyene 10:2

Waile na vanu vavangi manene, na tumelo vambatele n̄undu, na mamanya a seo yakama, na ngolinde yaingi manene. Omo waliwanene na Solomoni, wamwihwile vihula vyoshe vije vyakele mu mbunge yendi.

1 Vimyene 10:4

Co vamwene wa ku Shemba wazivile mana a Solomoni, co wamwene lipela lije lyatungile.

1 Vimyene 3:12

co njikakulingila evi unalombo. Njikakwana mana nakuzivisisa kwakama kutuvakana vaje vakeleko akulivanga, nameme vaje vakaija munima yove.

2 Mizimbu 9:2

Co Solomoni wavikumbulwile vyoshe, kukwakele cuma cacikalu conwene kulumbununa.

Visimo 13:20

Uje enda na vaka-mana apwa muka-mana lalo, oloni uje enda na vilema akanyonga.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.