1 Vimyene 1:39 - Livulu lya Shukulu Kalunga

³⁹ Zandoke wambatele lilulu lya mazi a olive lije lyanonele mu Mbalaka Mwakuliwanena, co wavwavesele Solomoni. Vembile lupembo, co vanu voshe vatambekele ngwavo, “Mwene Solomoni ayoye!”

1 Vimyene 1:39 Iomraidhean Croise

1 Vimyene 1:25

Lelo vene nai nakukombelela n̄ombelo ya vingombe vavangi, na vimanga, na vana va vingombe vakununa. Co nalanyele vana vove va vanalume voshe, na Yowave muka-kushika nzita yove, na Aviyatale muka-kukombelela. A simbu ino vene vali ku ciwano amo nendi nakutambeka ngwavo, ‘Mwene Andoniya ayoye!’

1 Vimyene 1:34

co kuje vene Zandoke muka-kukombelela, na Natane muka-kwimanena, vakamuvwavese mazi kupwa mwene wa mu Isalele. Co imbeni lupembo nakutambeka ngweni, ‘Mwene Solomoni ayoye!’

1 Vimyene 1:40

Asinoni vanu voshe vamukavele munima, vatambekele nakujolela nakwimba vimbendo, valingile muyoyo wakama, co livu lyajajele.

1 Vimyene 2:15

Co Andoniya wamukumbulwile ngwendi, “Yove wazivuka ngeci yange njapandele kupwa mwene, co munu woshe mu Isalele navandamenene eci. Oloni kucalingiwile, co shongo yange ikeye napu mwene omwo eci cinapu cizango ca Shukulu Kalunga.

2 Vimyene 11:12

Yehoyanda watwalele Yowashe anja, wamuzikile cilongo ku mutwe wendi, co wamwanene livulu lya mashiko a vumwene. Asinoni vavwavesele Yowashe mazi nakumutumbula mwene. Co vanu vakandelelele nakutambeka ngwavo, “Mwene ayoye myaka yoshe!”

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Vimyene 9:1

A simbu ije vene Elisha muka-kwimanena, wasanene mukwenje umo akati ka vaka-kwimanena, wendekele kuli ikeye ngwendi, “Livwaese ngeci uye ku Lamote mu Ngilyande. Ambata eli lilulu lya mazi a olive uye nalyo,

2 Vimyene 9:13

Aje vene vaje vamyata, vajalele vuzalo vwavo akamwa ya vindendelo ngeci Yehu emaneo, co vembile malupembo, nakutambeka ngwavo, “Yehu ololo napu mwene!”

1 Mizimbu 29:22

Ngecivene, a litangwa lije vavwaelelele manene omo valile nakunwa ku mesho a Shukulu Kalunga. Vendekele lalo simbu yamucivali ngeci Solomoni ikeye mwene. Mu lizina lya Shukulu Kalunga vamuvwavesele mazi, kupwa muka-kuvashwana, na Zandoke muka-kukombelela.

2 Mizimbu 23:11

Yehoyanda watwalele Yowashe anja, co wamuzikile cilongo ku mutwe, wamwanene livulu lya mashiko a vumwene. Co vamupwisile mwene. Ngecivene, Yehoyanda muka-kukombelela amo na vana vendi vavwavesele mazi Yowashe, co vanu voshe vatambekele ngwavo, “Mwene ayoye myaka yoshe!”

2 Mizimbu 23:13

Co wamwene mwene wamuhwa nemana ku manda ya vumwene ku cikolo ca Njuvo ya Shukulu Kalunga, ngwe ku futisi yavo, co vamyata va mbunga ya mashwalale na vaka-kwimba malupembo vamuzengelekele. Co vanu voshe vatambekele nakujolela nakwimba malupembo, vaka-kwimba va mu Njuvo ya Shukulu Kalunga na vyakwimbisa vyavo vatwamenenene ciwano. Co Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Kutuuka 30:35

Vitsingasane mwamuvwa ngeci insense ipwe ngwe n̄undu yaivwa, yakunika lwengo lwaluvwa. Co akako mwongwa ngeci vipwe vyavivwa vyakujela.

1 Samwele 10:24

Co Samwele wendekele kuli vanu ngwendi, “Ou ikeye munu yanamyangwila Shukulu Kalunga! Co kukwesi wakufwa ngwe ikeye akati keni.” Co vanu voshe vatambekele ngwavo, “Mwene ayoye myaka yoshe!”

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.