1 Vimyene 1:37 - Livulu lya Shukulu Kalunga

³⁷ Ngwe omo Shukulu Kalunga nakala amo nove shukulu, mukemwo akale amo na Solomoni nakwamesa vumwene vwendi kutuvakana vumwene vwove.”

1 Vimyene 1:37 Iomraidhean Croise

2 Samwele 24:3

Oloni Yowave wakumbulwile mwene ngwendi, “Shukulu, Shukulu Kalunga Njambi yove atumise vanu va Isalele visimbu 100 kutuvakana muvanapu ololo, ngeci yove uyoye nakumona omo avatumisa. Oloni omwo vikajo shukulu ushaka kulinga eci?”

1 Vimyene 1:36

Co Mbenaya wakumbulwile mwene ngwendi, “Mukemwo cikalingiwa, Shukulu Kalunga Njambi yove akakolese cuma eci!

1 Vimyene 1:47

Co lalo vamyata va mu mbanja vanaile mukushangazala shukulu Mwene Ndaviti nakwendeka ngwavo, ‘Njambi yove atsimanese manene Solomoni kutuvakana yove, co aamese vumwene vwendi kutuvakana vwove.’ Co Mwene Ndaviti wakulamene a vulili vwendi nakulemesa,

2 Vimyene 2:9

Omo vanajavuka laja, Elinja wendekele kuli Elisha ngwendi, “Njileke viwushaka ngeci njikulingilevyo simbu kanda vanjitwale mwilu.” Elisha wamukumbulwile ngwendi, “Njitave njitambule mutamba wa nzili yove ije ikanjipwisa shwana yove.”

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

1 Mizimbu 29:25

Co Shukulu Kalunga waamesele manene Solomoni ku mesho a vaIsalele voshe, wamwanene vumpau vwa vumwene kuhyana vimyene vakwavo vaje vashwanene mu Isalele.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 72:8

Vumwene vwendi vukashangumukila ku mema a kalunga, vuketa na ku mema a kalunga akwavo. Vumwene vwendi vukatunda ku Ndonga ya Yufuleti nakweta ku shongo ya kaye.

Myaso 89:27

Njikamupwisa munange wa ntwatwa, co akapwa wakama ku vimyene voshe va asi.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Yoshwa 1:17

Muje mutwononokele kuli Mosesa mu vyuma vyoshe, mukemwo vene mutukononoka kuli yove. Oloni cuma lika cimo, Shukulu Kalunga Njambi yove akale amo nove ngwe mwakele amo na Mosesa!

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

1 Samwele 20:13

Nga ikeye nayongola kukuvulumuna, Shukulu Kalunga anjitsiye nga kunjikuleka nakukwamena ngeci utewe. Shukulu Kalunga akale amo nove ngwe mwakele amo na tate!