1 Timateo 6:9 - Livulu lya Shukulu Kalunga

⁹ Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

1 Timateo 6:9 Iomraidhean Croise

1 Vimyene 21:6

Ahave wamukumbulwile ngwendi, “Omwo a evi nendeka Navote kuli yange. Njamulombele ngwange njilande citungu cendi ca mikolovozi ya vushuka vwa vinyu, nambe kumwana ceka nga ikeye ashaka ngacije, oloni navyana!”

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

Visimo 20:21

Vufuko vwakuwana vwasi-vwasi vwasa kukupwila cisingo.

Visimo 21:6

Vufuko vwakuwana mu ngila ya makuli vunapu ngwe mbundu ije ikakumukila noku-noku, vunapu mweto wauvi.

Visimo 22:16

Nga wana vwana kuli vaka-kufuka, nambe kuyandesa tuutu ngeci ufuke, ukapwa lika u kautu yove vavenya.

Visimo 23:4

Pangesa mana ove vavenya kesi ulipese ngoco kushakezeka vufuko.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Zakaliya 11:5

Vavenyavo vakavatsii, oloni kuvesi kuvanyanyamesa. Vakalandesa situ nakwendeka ngwavo, ‘Shangazaleni Shukulu Kalunga! Tunafuku oni!’ Nameme tunyungi twa vaje vimanga kuvesi kuvatetela embwe.”

Kulava 31:8

amo na vimyene vatanu va vaMindyani, Mwene Evi, na Mwene Lekeme, na Mwene Zule, na Mwene Hule, na Mwene Lemba. Co vatsiile lalo na Mbalame muna Mbeole na moko ya mukwale.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Mateo 19:22

Omo uje mukwenje wazivile lijwi eli, waile na vusiwa, omwo ikeye wakele na vufuko vwavungi.

Mateo 26:15

co wavehwile ngwendi, “Vikajo mukanjana nga njikamisholwelaye?” Co vamufwetele makumi atatu a vimbongo vya siliva.

Mateo 6:19

“Kesi mulitulikile vufuko vwa ano asi, aje ali tunembulu na n̄alawe vikakuvuviisa, co ali na vezi lalo vatuva nakuvwiva.

Mako 4:19

oloni akulishoshomwena kwa ano asi, nakuzema vufuko, na vyeka lalo vyavingi vya mashungu akuliseza-seza vivazengeleka vitinikisa lijwi, co kuvasa kwima vushuka.

Luka 12:21

Co Yesu wamanesele ngwendi, “Mukemwo muvanafu vaje vanalilundikila vufuko vakevo vavenya, oloni kuvafukile ku mesho a Njambi.”

Luka 21:35

Omwo litangwa lije likaija ku vanu voshe vali ano asi.

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Kwituluka mu Mashiko 7:25

Ngecivene, mukenyeka tumponya twa vinjambi vavo vakushonga. Kesi mukaliveyele siliva nambe ngolinde ije valinayo, co kesi mukalinoneleyo embwe kutewa mukatsa mu nganjo yavo, omwo vyapwa vya vunyengwe ku mesho a Shukulu Kalunga Njambi yeni.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

1 Timateo 3:7

Napande kupwa munalume wa kasingimiko kuli vanu vaje vali anja ya cikungulukilo, ngeci kesi azive shwamwa nakuwila mu mweto wa Liyavola.

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

2 Timateo 2:26

Co asinoni vakatenguluka ku mana avo ngeci vatewe ku mweto wa Liyavola, uje navakwata nakuvapwisa vaka-kwononoka cizango cendi.

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

Yoshwa 7:11

VaIsalele vanalingi vuvi! Vanapokola cikumiiyo cange cije cinjavashikile ngeci vacinyunge. Vanambata ku vyuma vije vyakukundika. Vakevo vanavivi nakwendeka makuli, co vanavikumbasana ku vyuma vyavo.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.