1 Timateo 6:6 - Livulu lya Shukulu Kalunga

⁶ Eyo, vu Njambi vwasa kutufukisa, nga yetu tupwisamo na vyuma vije tulinavyo.

1 Timateo 6:6 Iomraidhean Croise

2 Vimyene 6:2

Twane lisesa lyakukashinja viti ku Ndonga ya Yondau, tukatungeko.” Co Elisha wavakumbulwile ngwendi, “Mwamuvwa yeni.”

Myaso 37:16

Cuma cacindondo calinaco muka-vushunga cinatuvakana vufuko vwoshe vwa vaka-vuvi.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Kutuuka 2:21

Ngecivene, Mosesa watavele kukala na Yetolo, co Yetolo wamwanene munendi wa munakazi Zipola ngeci amwambate.

Visimo 15:16

Mwamuvwa kupwa u kautu oku ukomoka Shukulu Kalunga, kutuvakana kupwa u muka-kufuka, nakukala mu tuyando.

Visimo 16:8

Mwamuvwa kukala na vyuma vyavindondo viwatambula na kulongwa, kutuvakana kukala na vyuma vyavingi viwatambula kwakujeneka kulongwa.

Visimo 28:25

Cipululu cikanenela munu tuyando, oloni uje akulaela kuli Shukulu Kalunga akakala mwamuvwa.

Njelemiya 35:9

Kutwesi kutunga vinjuvo ngeci tukalemo, kutwesi na vitungu vya mikolovozi ya vushuka vwa vinyu, nambe mahya a vimbuto, nambe vimbuto vene kutwesi navyo,

Luka 12:15

Co wendekele navo voshe ngwendi, “Nyanyameni nakulinyunga ku cipululu coshe, omwo kuyoya kwa munu kukwakundamene ku vyuma vyali navyo, nambe afuke vati.”

Luka 3:14

Mashwalale vamo lalo vamwihwile ngwavo, “Netu lalo tunapande kulinga vika?” Co wavalekele ngwendi, “Kesi mukapukule vyuma vya vakweni, nameme kuvangela munu, simpeni na fweto yeni.”

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Filipu 1:21

Omwo mwonyo unapu vikajo? Kuli yange unapu Kilistu! Ngecivene, kutsa cikapwa nganyo kuli yange.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Timateo 6:8

Ngecivene, nga tuli na vyakulya na vuzalo, evi vinapumo kuli yetu.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”