1 Timateo 6:4 - Livulu lya Shukulu Kalunga

⁴ co munu wa ngacije napu muka-kulyalesa, co kazivuka cuma nacimo cai. Napu muka-kuvinja mu mashungu na vimata vyakulikanangana a majwi, co evi vilinakunena mafuwa na vimata na kushaula na viyongola vyavivi

1 Timateo 6:4 Iomraidhean Croise

Visimo 13:7

Vanu vamo vakalipwisa ngwe vaka-kufuka, oloni kuvesi na vufuko, co vamo vakalipwisa ngwe vaka-kuutwa, oloni vali na vufuko vwavungi.

Visimo 25:14

Vanu vaje vakakulaela vwana vuje kuvesi kwana, vanapu ngwe mashelwa na lihunzi, vije kuvyesi kunena nyonzi.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Isaya 58:4

Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Vilinga vya Miluwa 15:2

Co Paulu na Mbanambase valikananganene manene navo a cuma eci, ngecivene, vayongwele ngeci Paulu na Mbanambase na vamo veka vanu va mu Antyoke vaye ku Yelusalema nakulimona na miluwa na vakulunu a n̄anda eyi.

Vilinga vya Miluwa 18:15

Oloni omo inapu n̄anda yakulikanangana a majwi na mazina na lishiko lyeni vavenya, munapande kuyishungamesa yeni vavenya. Yange kunjapandele kupwa lyaako wa vyuma evi!”

Vilinga vya Miluwa 8:9

Oloni mu nganda ije mwakele munalume umo lizina lyendi Simoni, uje a simbu yakama wakomokesele vaka-Samaliya na manseno endi. Walimwesele ikeye vavenya kupwa umo wakama,

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Loma 14:1

Tambuleni mwamuvwa munu uje kanda akole mukukulaela, oloni kesi mulinge nendi vimata a viyongola vyendi.

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

1 Kolinte 11:16

Oloni nga umo ali na vimata a cuma eci, nambe yange nambe vikungulukilo vya Njambi kutwesi na ngila yeka lalo yakulemesela.

1 Kolinte 11:18

Omwo akulivanga, vananjileka ngwavo mu vikungulukilo vyeni muli vimunga vyakulitepa-tepa, co njakulaela eci cinapu ca vushunga vene.

1 Kolinte 3:18

Kesi ulikwise yove vavenya. Nga umo akati keni aliyongola ngwendi ali na mana a ano a kaye, co pwa cilema, ngeci ukale na mana.

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

Ngalatiya 5:15

Oloni nga mulinga ngwe tusitu, kulitwa vimbandu nakulivulumuna umo na mukwavo, co nyanyameni, kutewa mukalinyongesa umo na mukwavo.

Ngalatiya 5:26

Kutwapandele kupwa vaka-kulyalesa nambe kulishangumuna umo na mukwavo nambe kukala na cipululu kuli umo na mukwavo.

Ngalatiya 6:3

Nga munu umo ayongola ngeci napu wakama oloni kesi mukemwo mwanapu, alinakulikwisa lika ikeye vavenya.

Filipu 1:15

Mwa vushunga vene kuli vamo vambulula Kilistu omwo vali na lifuwa na vimata, oloni veka vambulula na cizango cacivwa.

Filipu 2:14

Lingeni vyuma vyoshe kujeneka kulinyenyeta nambe kulikanangana,

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

1 Timateo 1:4

Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela.

1 Timateo 1:7

Vashaka kupwa valongisi va lishiko lya Njambi, oloni kuvazivuka majwi avo avendeka vakevo vavenya nambe vin̄anda valinakwendeka nakukulaela manene oloni kuvazivuka muvinalumbunukila.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

2 Timateo 2:14

Anukisa vanu vove a vyuma evi, vendekele nakuvanangula ku mesho a Njambi ngeci kesi valilwise a majwi. Kucikwasa, oloni civiisa lika vanu vaje vazivilila.

2 Timateo 2:23

Oloni litenge ku vimata vya vulema na vunzimba, wazivuka ngwove kukotoka kwavyo kunapu vimata lika.

2 Timateo 3:4

vakapwa vaka-kuluwanganya, vakakulupozoka kwendeka, vaka-kushula na kulyalesa, vakakuzema manene senga kutuvakana kuzema Njambi,

Tito 3:9

Oloni yove tewa ku vimata vya vulema, na vya mikana ya mazina a vakukulwila nakujokota nakulizunga a Lishiko. Evi vinapu vyangoco-ngoco, kuvyesi na seo.

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

2 Petulu 2:12

Oloni vanu ava valinakupanga na mana ngwe a tusitu, vasemukilile mu shwata nakuvakwata na mukuvatsiya, vakevo valinakulwisa na kashaundu vyuma vije kuvazivisisa. Vakavanyongesa ngwe tusitu,

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Yunda 1:10

Oloni vanu ava vakalwisa na majwi akushaula vyuma vije kuvazivuka, co vyuma vije vavizivuka na citaku-taku ngwe tusitu, vikevyo vije vivanyongesa.

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.