1 Timateo 6:20 - Livulu lya Shukulu Kalunga

²⁰ Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

1 Timateo 6:20 Iomraidhean Croise

Vilinga vya Miluwa 16:1

Co Paulu wetele lalo ku Ndembe na ku Lisitala, kuje kwakele Muka-Yesu umo lizina lyendi Timateo. Vaina vapwile lalo Muka-Yesu vapwile kaYunda, oloni ishe wapwile kaNgiliki.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 17:21

(Omwo vaka-Atena voshe na vangenzi vakele muje vazememe kumbila simbu yavo yoshe mukwendeka nakuziva vyuma vyaviha.)

Loma 1:22

Vendeka ngwavo vanapu vaka-mana, oloni vanapu vilema,

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

2 Tesalonika 1:4

Omu mukemwo tulinakulyalesela ali yeni mu vikungulukilo vya Njambi. Tulinakulyalesela a lukakateya lweni nakukulaela kweni mu mapakeso oshe awa na n̄avava ije mulinakumona.

2 Tesalonika 2:15

Ngecivene, vakwetu, imaneni mbe nakukakateya ku vushunga vuje vutwamilongesele, mukwambulula kwetu na mu mukanda wetu.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

1 Timateo 1:4

Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela.

1 Timateo 1:6

Vamo vanu vanaseza vyuma evi, co vanazimbalesa vingila vyavo mu vimata vya vulema.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

1 Timateo 4:7

Oloni litenge ku visimo vyangoco, vije kuvyapandelemo kuvyambulula. Linyunge yove vavenya mukuyoya kwa vu Njambi.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

1 Timateo 6:14

ononoka ku mashiko nakuwanyunga na kulongwa noo a Litangwa lije omo Mwene yetu Yesu Kilistu akasholoka.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

2 Timateo 2:16

Linyunge ku vimata vyakushaula, na vyendeka vya vulema, vije vitwala lika vanu kulyala na Njambi.

Tito 1:14

ngeci kesi vakatolilile ku visimo vya vaYunda na ku mashiko akutunda kuli vanu vaje vanavyana vushunga.

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.

Tito 1:9

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.

Tito 3:9

Oloni yove tewa ku vimata vya vulema, na vya mikana ya mazina a vakukulwila nakujokota nakulizunga a Lishiko. Evi vinapu vyangoco-ngoco, kuvyesi na seo.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.