1 Timateo 6:17 - Livulu lya Shukulu Kalunga

¹⁷ Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Timateo 6:17 Iomraidhean Croise

Kushangumuka 13:2

Avilama wapwile muka-kufuka manene, wafukile vimanga, na vimembe, na vingombe, amo na siliva na ngolinde.

2 Mizimbu 26:16

Oloni omo Mwene Uziya wakele na nzili, co washangumukile kulyalesa, eci cikeco camunenesele kuwa kwendi. Washawile Shukulu Kalunga Njambi yendi akukovela mu Njuvo ya Shukulu Kalunga nakwenyekela insense a mutula wa insense.

Myaso 104:28

Omo uvana vyakulya vyakutunda mu livoko lyove, co valya vakuta.

Myaso 52:7

“Kengeni, munalume ou kakulaelele Njambi, oloni wakulaelele vufuko vwendi vwavungi, nakunyongesa vakwavo na muuka!”

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Visimo 11:28

Vaje vakulaela a vufuko vwavo, vakatotomoka ngwe maputa a nyangao, oloni vaka-vushunga vakakola mbe, ngwe maputa a ndombo.

Visimo 23:5

Vimbongo vyove vyasa kuhwa vwasi-vwasi, vyasa kupulula ngwe mwakapulula ngonga.

Visimo 27:24

omwo vufuko kuvwesi kukala simbu yoshe. Nameme vumwene kuvwesi kukala simbu yoshe.

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Muka-kwambulula 2:24

Kukwesi cuma cacivwa ku munu cije cinatuvakana kulya, nakunwa, nakukala mwamuvwa mu vipangi vyendi. Njazivukile ngeci vyuma evi vinapu vwana vwakutunda kuli Njambi.

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 49:4

Omwo vikajo yeni vanu vakujeneka kulongwa mukalishasha? Nzili yeni ilinakuhwa. Omwo vikajo mwakulaela mu nzili yeni vavenya, nakwendeka ngweni naumo wai akatulwisa?

Ezekiyele 16:56

Kuma kuwashendumwine ndokazi yove Sondoma a matangwa aje omo walyalesele,

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Mateo 12:32

Co woshe uje endeka lijwi limo lyakushaula Muna Munu vakamusambesa, oloni uje ashaula Munzinzime Wakujela kuvakamusambesa, nambe simbu ino, nambe simbu ya kulutwe.

Mateo 19:23

Co Yesu wendekele kuli vandongisi vendi ngwendi, “Mwa vushunga njimileka ngwange, cikapwa cacikalu kuli vaka-kufuka kukovela mu Vumwene vwa mwilu.

Mateo 25:16

Uje ngamba watambwile vimbongo vyakupwa 5,000 waile nakukasekasana, wawaneneo lalo vimbongo vyakupwa 5,000.

Mateo 27:57

Omo vetele ku cingwezi, kwezile munalume umo wakufuka wa ku Alamatiya, lizina lyendi Yosefa, ikeye lalo wapwile ndongisi ya Yesu.

Mateo 6:32

(Omwo vyuma vyoshe evi vikevyo vivakashakezeka vanu vaje vaka-kujeneka kukulaela.) Co Ishweni ali mwilu azivuka ngwendi munajeneka vyuma vyoshe evi.

Mako 10:24

Co vandongisi valikomokelele ku majwi awa, oloni Yesu wendekele lalo ngwendi, “Vana vange, cinapu cacikalu kukovela mu Vumwene vwa Njambi!

Luka 19:2

Kuje kwakele mukulunu umo muka-kutambula lisimu lizina lyendi Sangeo, uje wapwile muka-kufuka.

Luka 3:11

Wavakumbulwile ngwendi, “Ou ali na vikoveyo vivali aaneko cimo uje kesi naco, co ou ali na vyakulya aaneko vakwavo.”

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

Vilinga vya Miluwa 14:27

Omo vetele mu Antyoke vakungulwile amo vanu vaka-cikungulukilo nakuvaleka vyuma vyoshe vije vyalingile Njambi navo na muje Njambi mwashokolwele ngila kuli vaje kesi vaYunda ngeci vakulaele.

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Kwituluka mu Mashiko 33:15

Minkinda yavo ya ku san̄ulu ikapwe yakuvezika, na malundu avo a ku myaka yoshe akaime vushuka vwavuvwa vwakuwafwika.

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 1:3

Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

Tito 3:6

Njambi wetilile mu vungi Munzinzime Wakujela ali yetu ali Yesu Kilistu Muyoyesi wetu,

2 Petulu 1:11

Mu ngila eyi vene, vakamyana moko yakukovela mu Vumwene vwa Mwene yetu na Muyoyesi wetu Yesu Kilistu vuje vya myaka yoshe.