1 Timateo 6:11 - Livulu lya Shukulu Kalunga

¹¹ Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

1 Timateo 6:11 Iomraidhean Croise

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

1 Vimyene 13:26

Omo uje muka-kwimanena wa kakulukazi wazivile a eci, co wendekele ngwendi, “Owo ikeye uje muka-kwimanena kononokele kushika kwa Shukulu Kalunga! Ngecivene, Shukulu Kalunga natumine ndumba kumulwisa nakumutsiya, ngwe muje mwendekele Shukulu Kalunga.”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

1 Vimyene 17:24

Co uje fwile wamukumbulwile ngwendi, “Njizivuka ngeci yove unapu u munu wa Njambi, mwa vushunga vene Shukulu Kalunga alinakwendeka muli yove!”

1 Vimyene 20:28

Muka-kwimanena waile kuli Mwene Ahave wamulekele ngwendi, “Eci cikeco canendeka Shukulu Kalunga ngwendi, ‘Omwo vaSilya vanendeka ngwavo yange nji njambi wa malundu kesi wa mu vyana, co yange njikakuhyanesa a vungi vwa mashwalale vavo, co yove na vanu vove mukazivuka ngeci yange njapwa Kalunga.’ ”

2 Vimyene 1:13

Co simbu ikwavo lalo mwene watumine mwata umo na vanu makumi atanu. Co ikeye walamatele a lilundu, watsikamene a mavuli ku mesho a Elinja, co wamulambelelele ngwendi, “Ove munu wa Njambi, njizivileko mema ku mbunge yange na vanu vange. Twamene!

2 Vimyene 1:9

Ngecivene, mwene watumine mwata umo na vanu makumi atanu kukashaka Elinja. Co uje mwata wawanene Elinja natumbama a lilundu, wendekele kuli ikeye ngwendi, “Ove munu wa Njambi, mwene alinakukusana ngeci uye kuli ikeye.”

2 Vimyene 23:17

Co wehwile ngwendi, “Mbumbo yeyajo ije?” Co vanu va ku Mbetele vamukumbulwile ngwavo, “Yapwa mbumbo ya muka-kwimanena uje watundile ku Yunda, co wambulwile vyuma evi viwunalingi ku mutula ou.”

2 Vimyene 5:20

co Ngehazi ngamba ya Elisha walyendekesele mu mbunge yendi ngwendi, “Shukulu yange necelela Namane kuya ngoco kujeneka kufweta cuma cimo! Napandele kutambula vije vyanamwanene uje kaSilya. Ali Shukulu Kalunga wakuyoya, yange njimukava kangongo-nima ngeci njikatambule cuma cimo kuli ikeye!”

1 Mizimbu 23:14

Oloni vana va Mosesa, munu wa Njambi, vavakumbasanene amo na vaLevi.)

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:36

Vanu vakwavo vamwatele va ku cikota cendi, vapwile, Shemaya, na Azalele, na Milalai, na Ngilalai, na Mai, na Netanela, na Yunda, na Hanani, voshe ava vambatele vivala vyakwimbisa vya muyati uje wakele nakwimbisa Mwene Ndaviti, munu wa Njambi. Ezela muka-kulilongesa Mashiko watwamene kulutwe lwa munga.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 38:20

Vaje vapwisa vyavivwa kupwa vyavivi, vanapu vaka-n̄ole yange omwo njikalingi vushunga.

Visimo 15:9

Shukulu Kalunga akazivi vunyengwe a vingila vya vaka-vuvi, oloni wazema vanu vaje valinga vya vushunga.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Njelemiya 35:4

co njavanenele ku Njuvo ya Shukulu Kalunga. Njavatwalele ku mulili wa Hanane muka-kwimanena muna Ingendaliya. Mulili ou wakele kuyehi na milili ya vamyata vakwavo, co mulili wa Hanane muka-kwimanena wakele akamwa ya mulili wa Maseya muna Shalume, uje wapwile mwata wakama mu Njuvo ya Shukulu Kalunga.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

1 Kolinte 10:14

Ngecivene, vavusamba vange va cizemo, teweni kulemesa tumponya.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

Kwituluka mu Mashiko 16:20

Simbu yoshe mukapwe vaka-kusompa mwamuvwa, ngeci mukayoye, nakushwana lifuti lije lyakamyana Shukulu Kalunga Njambi yeni.

Kwituluka mu Mashiko 33:1

Evi vikevyo vivezikiso vije Mosesa, munu wa Njambi, wavezikisile navyo vanu va Isalele omo kanda atse.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

2 Timateo 3:17

ngeci munu uje apangela Njambi apwe wamutunu nakushula kwakuvwa mukupanga vipangi vyoshe vyavivwa.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

1 Petulu 3:11

Napande kutunda ku vuvi nakulinga vyuma vyavivwa, napande kushakezeka kwoloka na mbunge yendi yoshe.

1 Samwele 2:27

Muka-kwimanena wezile kuli Eli na majwi akutunda kuli Shukulu Kalunga ngwendi, “Omo kukulwila yove Alone, na naanga yendi vapwile vinzinda va mwene wa Ingito, njasholokele kuli ikeye.

1 Samwele 9:6

Co uje ngamba wamukumbulwile ngwendi, “Vandamena tai! Mu nganda eyi mwakala munu wa Njambi wa kasingimiko kakama, omwo vyuma vyoshe vyakendeka vikapu vya vushunga. Tuye kuli ikeye, amo akasa kutuleka oku kuli vimulu.”