1 Timateo 6:10 - Livulu lya Shukulu Kalunga

¹⁰ Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

1 Timateo 6:10 Iomraidhean Croise

Kushangumuka 29:14

co Lambani wamukumbulwile ngwendi, “Eyo, mwa vushunga vene yove unapu u mwehwange, maninga ange vene.” Ngeci Yakomba wakele kuje ngonde yoshe yamutunu.

Kushangumuka 29:26

Lambani wamukumbulwile ngwendi, “Capwa cilika cetu kushombwesa akulivanga mwana wa mukulunu kesi wa shongo embwe.

Kushangumuka 34:27

Omo vanavatsii laja, co vana va Yakomba vakwavo vezile nakupukula vyuma vya muje mu nganda nakulinga shambandinga omwo kushauka kwa ndokazi yavo.

Kushangumuka 38:16

Ngecivene, waile kuli ikeye kumukulo wa tapalo nakwendeka nendi ngwendi, “Vanana, mwane vati nga njisimutwiya neni?” Oloni ikeye kazivukile ngeci uje wapwile vainamweno. Co Tamale wendekele ngwendi, “Vikajo mukanjana nga musimutwiya nange?”

1 Vimyene 2:40

co walondele a cimulu cendi waile kuli Mwene Akishe ku Ngate, mukutonda vindungo vendi. Co wavawanene, wavelwisile kwimbo.

2 Vimyene 5:27

Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

Myaso 32:10

Vaka-vuvi vakayanda, oloni vaje vakulaela kuli Shukulu Kalunga vakavanyunga na cizemo cendi cije kucesi kutenguluka.

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Visimo 1:31

Ngecivene, mukawana vije vimwashakele, co mukakuta na vilinga vyeni.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

Muka-kwambulula 2:19

Iyajo azivuka ngeci uje akanjishwana akapwa muka-mana nambe cilema? Oloni ikeye akakala na vyuma vyoshe vije vinjapangelele, vyuma vyoshe vije vinjawanene mu mana ange ano asi. Vyuma vyoshe vinapu vyangoco.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Ezekiyele 16:33

Vikwizi voshe vakavondo, oloni yove waanene vwana kuli vikwizi vove voshe kupwa lizika-kanwa, ngeci vatunde ku mitambela yoshe valinge nove vupangala.

Ezekiyele 22:12

Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 6:19

“Kesi mulitulikile vufuko vwa ano asi, aje ali tunembulu na n̄alawe vikakuvuviisa, co ali na vezi lalo vatuva nakuvwiva.

Mako 4:19

oloni akulishoshomwena kwa ano asi, nakuzema vufuko, na vyeka lalo vyavingi vya mashungu akuliseza-seza vivazengeleka vitinikisa lijwi, co kuvasa kwima vushuka.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.

Kwituluka mu Mashiko 23:18

Kesi mukanene vimbongo vya mu vukwizi nambe vya mu vundeyi ku Njuvo ya Shukulu Kalunga Njambi yeni mukushulisa cisingo embwe, omwo vyuma vyoshe evi vivali vyapwa vya vunyengwe ku mesho a Shukulu Kalunga.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

1 Timateo 6:21

Omwo vamo ngwavo valinawo, co omwo a cuma eci vanazimbalesa kukulaela kwavo. Kutetela kwa Njambi kukale neni voshe.

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

2 Timateo 3:2

Omwo vanu vakapwa vaka-kulizema vakevo vavenya, vaka-kuzema vimbongo, vaka-kulishasha, vaka-kulijundula vakevo vavenya, vakapwa vaka-kushaula, vaka-kujeneka kwononoka kuli visemi vyavo, vaka-kujeneka kukandelela, vaka-kujeneka kukulaela,

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

Yakomba 5:19

Vasamba vange, nga umo weni ongumuka kutunda ku vushunga, co weka amwilwisa lalo,

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

Kujombolola 18:13

na sinamone na n̄undu na insense na fulankininsense na vinyu na mazi a olive na vunga vwa tiliku na tiliku na vingombe na vimanga na tuvalu na matemba na vindungo na vanu.