1 Timateo 6:1 - Livulu lya Shukulu Kalunga

¹ Kuli voshe vaje vanapu vindungo vanapande kuyongola vashukulu yavo na kasingimiko koshe, ngeci naumo wai akendeka mwamuvi a lizina lya Njambi na a vilongesa vyetu.

1 Timateo 6:1 Iomraidhean Croise

Kushangumuka 16:9

Co kangelo wendekele kuli Hangale ngwendi, “Iluka kuli shukulu yove Salai ukapwe u ndungo yendi vene.”

Kushangumuka 24:12

Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama.

Kushangumuka 24:2

Avilahama wendekele kuli ngamba yendi wa mukulunu, uje wakele na moko a vyuma vyoshe vije wakele navyo ngwendi, “Aka livoko lyove mukati ka mao ange nakulisinga.

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

2 Samwele 12:14

Oloni omwo unamwesa kashaundu kangacije kuli Shukulu Kalunga akulinga evi, munove akatsa.”

2 Vimyene 5:13

Co vangamba vendi vashwenyele kuli ikeye vendekele ngwavo, “Mwane, nga muka-kwimanena nakuleka kulinga cuma cimo cacikalu, unapandele kucilinga. Vikajo vikwonwesa kukajwela ngwe muje mwendekele ngeci ukanguke?”

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 52:5

Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Isaya 58:6

“Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Ezekiyele 36:23

Omo njisholola kujela kwa lizina lyange lyakama, lizina lije limwazivisile shwamwa akati kavo, asinoni vakazivuka ngeci yange njapwa Kalunga.’ Munjinendeka yange Kalunga wa Akamwa ya Vyoshe. Njikamipangesa mukumwesa miyati ngeci kuma njapwa wakujela.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Mateo 11:30

Omwo mandauluwa yange yayasi, na citele cange cacehu.”

Mateo 11:9

Njilekeni, mwaile nakumona vikajo? Muka-kwimanena ndi? Eyo, oloni mwakamwene uje natuvakana muka-kwimanena.

Luka 17:1

Yesu wendekele kuli vandongisi vendi ngwendi, “Vyuma vije vyasa kukovelesa vanu mu vuvi vyasa kulingiwa, oloni tuyando twendi uje avinena!

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 10:7

Asinoni uje kangelo waile, co Konelyasi wasanene vangamba vavali va mu njuvo yendi na lishwalale. Lishwalale uje wapwile umo wa vaka-kumupangela. Wapwile wa kulongwa.

Vilinga vya Miluwa 15:10

Ngecivene, omwo vikajo ololo mushaka kweseka Njambi nakutwika citele a myongo ya vaka-kukulaela cije nameme vakukulwila vetu nameme yetu kutwasa kucambata?

Loma 2:24

Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”

1 Kolinte 10:32

Yoya mu ngila ije kuyasa kwana vukalu nambe kuli vaYunda nambe kuli vaje kesi vaYunda nambe ku cikungulukilo ca Njambi.

Ngalatiya 5:1

Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.

1 Timateo 5:14

Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

Tito 2:5

vapwe vaka-kulinyunga, vajele, co vapwe vaka-kunyunga vinjuvo vyavo, vapwe vaka-kwononoka vanalume vavo, ngeci lijwi lya Njambi kesi valishaule kuli munu umo embwe.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.