1 Timateo 5:8 - Livulu lya Shukulu Kalunga

⁸ Oloni nga umo kasa kunyunga vavushoko vwendi, vunene kuli vanu vaka-naanga yendi, navyana kukulaela, navihya kutuvakana uje kesi muka-kukulaela.

1 Timateo 5:8 Iomraidhean Croise

Kushangumuka 30:30

Omo njezile kuwakele na matanga amangi, oloni ololo vanasemunwina, co Shukulu Kalunga navezikisa vyoshe vije vinjakupangelele. Ololo simbu inete ngeci njikenge a naanga yange.”

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Mateo 18:17

Co nga kavatolilila, asinoni ambulula ku cikungulukilo. Co nga avyana kutolilila nameme ku cikungulukilo, mupwiseni ngwe munu uje muka-kujeneka kukulaela nameme ngwe muka-kutambula lisimu.

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Yowano 15:22

Nga kunjezile nakwendeka kuli vakevo ngwe kuvakele na mulonga wa vuvi, oloni kuvasa kulyola malambi a vuvi vwavo.

1 Kolinte 6:6

Oloni akati keni umo muka-Yesu aya ku mbanja nakusompesa mukwavo, co ecela vaka-kujeneka kukulaela vasompe ije n̄anda!

2 Kolinte 12:14

Eyi ololo inapu simbu yamucitatu ije njalivwaesela kwija kuli yeni nakumisikamesa, co lalo kunjishaka kumitwika citele. Oloni cuma njishaka lika kuvanga yeni, kesi vimbongo vyeni embwe. Munima ya vyoshe evi, vanike kuvapandele kukwasa visemi vavo, oloni visemi vakevo vapandele kukwasa vana vavo.

2 Kolinte 6:15

Kilistu na Liyavola vasa kulizivasana vatijo? Muka-kukulaela asa kulitombola vatijo na muka-kujeneka kukulaela?

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

2 Timateo 3:5

vakakakateya vyuma vya cifwa cakulemesa Njambi, oloni vakavyana nzili yavyo. Litenge ku vanu va cifwa cangacije.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 3:8

Njinazivuka vije viwukalingi, njinazivuka ngeci yove uli na nzili yaindondo, unakavangeya vilongesa vyange, co unapu muka-kulongwa kuli yange. Njinashokolola lipito kulutwe lwove, kukwesi umo asa kulishoka.