1 Timateo 5:6 - Livulu lya Shukulu Kalunga

⁶ Oloni fwile uje alyana ikeye vavenya mu senga yangoco natsi laja, nambe alinakuyoya.

1 Timateo 5:6 Iomraidhean Croise

Kushangumuka 2:17

oloni ku vushuka vwa muti wa mana akuzivuka vuvwa na vuvi, kesi ukalyeko. Omwo nga ukalyako, co ukatsa ku litangwa lije vene.”

Visimo 29:21

Nga wana ngamba yove vyuma vyoshe vyashaka kutunda ku vwanike vwendi nakweta ku vukulunu vwendi, co litangwa limo akashwana vyuma vyoshe vije unafuku.

Isaya 22:13

Oloni yeni mwavwaelelele, co mwalisambele. Mwatsiile vimanga na vingombe, co mwalile nakunwa vinyu. Mwendekele ngweni, “Tunapande kulya nakunwa! Imene tutsa.”

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Njelemiya 6:2

Nganda ya Siyone yapwa yaivwa oloni vakainyongesa,

Mbimbi 4:5

Vanu vaje vakele nakulya vyakulya vyavivwa valinakulanduka ku njala mu vitapalo, vanu vaje vayoyele kuyoya kwakuvwa, valinakushakezeka vyakulya mu vimbulu vya mazilo.

Mateo 8:22

Oloni Yesu wamukumbulwile ngwendi, “Njikave, co seza vatsi valitsinde vakevo vavenya.”

Luka 12:19

Cooni njikendeka ngwange, njinavezika! Njili na vyuma vyavingi vije vinjetesa ku myaka ya kulutwe. Njinapande kuhwima nakulya nakunwa nakujolela!’

Luka 15:13

Omo kwetile matangwa amandondo lika uje mwana washongo walandesele vufuko vwendi wakatukile waile na vimbongo. Waile ku lifuti lyakulyala, kuje wakashandwele vimbongo vyendi mukuyoya kwa vuuka.

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 16:19

“Kwakele munalume umo muka-kufuka wazalele vuzalo vwavuvwa vwa ndando yakama, co walile vyakutovala a litangwa na litangwa.

Luka 7:25

Mwaile nakumona vikajo? Munu nazala vuzalo vwasenga ndi? Vanu vakuzala ngacije nakukala mwamuvwa vakala mu mapela!

Efeso 2:1

Laja mwapwile mu vatsi ku munzinzime omwo kumwononokele, co mwalingile vuvi.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kwituluka mu Mashiko 28:54

Nameme vamyata vakulisingimika vaje vali akati keni, kuvakakala na ngozi na vandolome vavo, nambe na vanakazi vavo vaje vavazema, nambe vana vavo vaje vaciyoya.

Kwituluka mu Mashiko 28:56

Vanakazi vaje va kasingimiko vaje vali akati keni, vaka-kufuka vaje kuvalyatele mendi avo asi, kuvakanako situ imo vanalume vavo, nambe vana vavo vaje vavazema vanasalako.

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

2 Timateo 3:6

Omwo amo vavo vakai nakukovela mu vinjuvo vya vanu nakwononwesa vanakazi vakuzeya vaje vanalemuwa na milonga ya vuvi vuje vunavatwala ku miyati yoshe ya mashungu,

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

1 Samwele 15:32

Ngecivene, Samwele washikile ngwendi, “Neneni Mwene Angange kuno.” Co Angange wezile kuli ikeye, nakujaja na lyova, co Angange walyendekesele ikeye vavenya ngwendi, “Kutsa capwa cuma cacikalu manene!”

1 Samwele 25:6

Wavashikile ngeci vakaleke Navale ngwavo, ‘Kwoloka kukale amo nove, co kwoloka kukale na naanga yove, co kwoloka kukale na vyoshe-ivyoshe ulinavyo.