1 Timateo 5:17 - Livulu lya Shukulu Kalunga

¹⁷ Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

1 Timateo 5:17 Iomraidhean Croise

2 Vimyene 2:9

Omo vanajavuka laja, Elinja wendekele kuli Elisha ngwendi, “Njileke viwushaka ngeci njikulingilevyo simbu kanda vanjitwale mwilu.” Elisha wamukumbulwile ngwendi, “Njitave njitambule mutamba wa nzili yove ije ikanjipwisa shwana yove.”

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Zakaliya 9:12

Ilukeni, yeni vinzinda ololo muli na cinyangavili, ilukeni ku mwela weni wauvwa. Ololo njimileka ngwange njikamivezikisa luvali ku tuyando tweni twoshe tuje mwayandele.

Kulava 18:31

Yeni na naanga yeni mukalila a mutambela woshe-iwoshe wa vije vinasalao, omwo eyi inapu fweto yeni yakupanga mu Mbalaka Mwakuliwanena.

Mateo 24:25

Tolilileni! Njinamilekela cimweja omo simbu kanda yete.

Luka 10:7

Kaleni mu njuvo ije vene, lyeni nakunwa vyoshe vije vivakamyana, omwo muka-kupanga napande kutambula fweto yendi. Kesi mukendangane kutunda ku njuvo imo kuya ku njuvo ikwavo embwe.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Yowano 4:38

Njinamitumu kuteja vimbuto mu lihya muje kumwapangele, veka vapangelemo, co yeni munawanenamo vimo a vipangi vyavo.”

Vilinga vya Miluwa 11:30

Co valingile cuma eci, vaanene vimbongo kuli Mbanambase na Saulu ngeci vavitwale kuli vakulunu va cikungulukilo.

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

Vilinga vya Miluwa 28:10

Vatwanene vwana vwavungi, co omo twasunwine vwato, vaakele mu vwato vyoshe vije twashakele a vungenzi vwetu.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

Loma 15:27

Vakevo vavenya vayongwele kulinga ngeci, oloni a n̄anda eyi, vakevo vali na likongo ngeci vavakwase. Omwo vaYunda vaaneneko vivezikiso vyavo vya munzinzime kuli vaje kesi vaYunda, co vaje kesi vaYunda vanapande kupangesa vivezikiso vyavo vya vufuko mukukwasa vaYunda.

Loma 16:12

Viindu vyange kuli Talafaena na kuli Talafosa vaje vapanga mu vipangi vya Mwene, na kuli musamba wange Pelesise, uje nalingi manene vipangi vya Mwene.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 16:16

kaveni vuntwama vwa vanu va cifwa ngwe ava, co na cifwa ca vanu veka lalo vaje valinakupanga nakuundangana amo navo.

1 Kolinte 3:9

Omwo tulinakupangela amo kuli Njambi, co yeni munapu lihya lya Njambi. Co lalo munapu kutunga kwa Njambi.

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

Kwituluka mu Mashiko 18:8

Akakale na vyakulya vyakupwisa amo na vakwavo vaLevi, co napande kutulika vije vyoshe vikatunda ku naanga yendi.

Filipu 2:16

omo muvambulwila lijwi lya mwonyo. Nga mulinga ngacije, njikakala na cuma cakulyalesela ali yeni a Litangwa lya Kilistu, omwo eci cikasholoka ngeci nzili yange yoshe na vipangi vyange kuvyaile mwangoco embwe.

Filipu 2:29

Ngecivene, mutambuleni nakujolela, ngwe muka-kukulaela muli Mwene. Shololeni kalemeso kuli voshe vanu va cifwa cangacije ngwe ikeye,

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

1 Timateo 3:5

Omwo nga munu kasa kunyunga naanga yendi, co vatijo akasa kulela cikungulukilo ca Njambi?

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

1 Timateo 4:14

Kesi wecele vwana vwa munzinzime vuje vuli muli yove, vuje vuvakwanene omo vaka-kwimanena vendekele nomo vakulunu vakambekele mavoko avo ali yove.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 5:19

Kesi utolilile vukaleo vwakulwisa mukulunu wa cikungulukilo kuvanga vavunene kuli vanu vavali nambe vatatu.

1 Timateo 5:3

Sholola kasingimiko kuli vifwile vaje vanapu vifwile vene.

2 Timateo 2:6

Na ndimi lalo uje naundangana manene mu vipangi napande kuteja vimbuto vyavivwa vyakulivanga

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:24

Aneni ciindu kuli voshe vantwama veni na kuli vaka-kukulaela voshe. Vakwetu va ku Itali vanatumu ciindu kuli yeni.

VaHevelu 13:7

Anukeni vantwama veni va ku san̄ulu, vaje vamilekele lijwi lya Njambi. Yongoleni vya kunima vati vakevo vayoyele na kutsa, co tembunwineni kukukulaela kwavo.