1 Timateo 5:15 - Livulu lya Shukulu Kalunga

¹⁵ Omwo vifwile vamo vaneluka laja munima nakukavangeya Satana.

1 Timateo 5:15 Iomraidhean Croise

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

1 Timateo 1:20

Akati kavo kuli Haimenease na Elekizanda, vaje njinanyanyamesa akuvakundika ku nzili ya Satana, eci cikavalongesa ngeci valikele kushaula Njambi.

2 Timateo 1:15

Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza.

2 Timateo 2:18

Vanaseza ngila ya vushunga, co valinakutanganesa kukulaela kwa vamo akwendeka ngwavo kusanguka kwetu ku vatsi cineti laja.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

2 Petulu 2:2

Nameme ngoco, vavangi vakakavangeya vingila vyavo vya vuvi, co omwo a vije vanalingi, vanu vamo vakendeka vyavivi a Ngila ya vushunga.

2 Petulu 3:16

Evi vikevyo alinakwendeka mu mikanda yendi yoshe omo asoneka a n̄anda eyi. Kuli vyuma vimo mu mikanda yendi vyavikalu vije vinzimba vaka-kujeneka mana vakavinungulula mu ngila ya makuli, ngwe muvakalingi na vin̄anda vyeka vya mu Visoneka. Co eci civanenela kunyonga kwavo vakevo vavenya.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.