1 Timateo 5:14 - Livulu lya Shukulu Kalunga

¹⁴ Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

1 Timateo 5:14 Iomraidhean Croise

Kushangumuka 18:6

Ngecivene, Avilahama wazambwilile ku mbalaka nakwendeka kuli Sala ngwendi, “Zambula, ambata njeke ya vunga vwavuvwa vwakuseneta, ngeci ulinge makende.”

Kushangumuka 18:9

Asinoni vaje vanalume vatatu vamwihwile ngwavo, “Munakazi wove Sala ali kuli?” Avilahama wavakumbulwile ngwendi, “Uje ali muje mu mbalaka.”

2 Samwele 12:14

Oloni omwo unamwesa kashaundu kangacije kuli Shukulu Kalunga akulinga evi, munove akatsa.”

Visimo 14:1

Munakazi wa mana, anyunga njuvo yendi, oloni munakazi wa cilema, aviisa njuvo yendi.

Njelemiya 29:6

Ambateni ngeci mukale na vana. Co lalo taveseni vana veni vambate, nakushomboka ngeci vakale na vana lalo. Munapande kutuma kesi mutepuluke.

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Loma 14:13

Ngecivene, kesi tulihise umo na mukwavo. Oloni unapande kuyongola ngeci kesi wake citanukiso mu ngila ya mukweni nambe cakumuwisa.

2 Kolinte 11:12

Njitwalelelao kulinga vije njilinakulinga ololo,ngeci njivindike “miluwa” veka vaje valinakulishashela a vyuma vyoshe nakwendeka ngwavo vakevo vipangi vyavo vinapu vya cifwa cimo ngwe vije tulinakupanga yetu.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

1 Timateo 4:3

Vanu va cifwa cangacije valinakulongesa ngwavo kesi mwamuvwa kwambata nakulya vyakulya vimo. Oloni Njambi ikeye watangele vyakulya evi ngeci vavilye, omo munalombela lilombelo lyakukandelela, kuli vaje vaka-kukulaela vaje vanete akuzivuka vushunga.

1 Timateo 5:11

Oloni kesi uwezeleleko vifwile vacili vambanda ku mazina awa lalo, omwo vakevo vacili na cizango cakushaka kushomboka, co vakaseza Kilistu,

1 Timateo 6:1

Kuli voshe vaje vanapu vindungo vanapande kuyongola vashukulu yavo na kasingimiko koshe, ngeci naumo wai akendeka mwamuvi a lizina lya Njambi na a vilongesa vyetu.

Tito 2:5

vapwe vaka-kulinyunga, vajele, co vapwe vaka-kunyunga vinjuvo vyavo, vapwe vaka-kwononoka vanalume vavo, ngeci lijwi lya Njambi kesi valishaule kuli munu umo embwe.

Tito 2:8

Pangesa majwi akushungama aje kuwesi na kapenga, ngeci vitozi vove vakale na shwamwa,co vonwe kwendeka vyavivi ali yetu.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.