1 Timateo 5:10 - Livulu lya Shukulu Kalunga

¹⁰ co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

1 Timateo 5:10 Iomraidhean Croise

Kushangumuka 18:4

Njiminenela mema akujwela ku mendi, munapande kuhwimako kamandondo mwisi ya muti ou.

Kushangumuka 19:2

Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.” Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”

Kushangumuka 24:32

Co uje munalume wakovelele mu njuvo, co Lambani watundisile vivala a tumelo, nakuvana mwila na vyakulya. Asinoni wanenele mema kuli ngamba ya Avilahama na vanu vendi ngeci vajwele ku mendi avo.

Kushangumuka 43:24

Co uje ngamba watwalele vandolome va Yosefa ku njuvo. Wavanene mema ngeci vajwele ku mendi avo, co waanene vyakulya vimulu vyavo.

Myaso 119:4

Yove unatwana mashiko ove Shukulu Kalunga, ngeci tuwononoke mwamuvwa.

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

VaLevi 25:35

“Nga mukweni kaIsalele uje alinakukala amo neni nautwa, kasa kulikwasa ikeye vavenya, munapande kukamukwasa ngwe mumukakwasa muka-kwija nambe munu uje wakukumuna, ngeci ikeye akakale amo neni.

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Luka 7:38

wemanene kunima ya Yesu, ku myanja yendi nakulila, nakujulisa myanja ya Yesu na misozi. Co wasikumwine myanja ya Yesu na vin̄ambu vyendi, waitsembele, co waivwavesele na mazi aje.

Luka 7:44

Co watengulukilile kuli uje munakazi, wendekele kuli Simoni ngwendi, “Unamono ou munakazi? Njinakovela muno mu njuvo yove, oloni kuwanjanene mema akujwela ku myanja yange, oloni ou nanjijwelesa ku myanja yange na misozi yendi, co nanjisikumuna na vin̄ambu vyendi.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 22:12

“Mu nganda muje mwakele munalume umo lizina lyendi Ananiyasi, wa kulongwa muka-kwononoka Lishiko lyetu, co vamusingimikile manene kuli vaYunda voshe vaje vakele mu Ndamasiku.

Vilinga vya Miluwa 6:3

Ngecivene, vakwetu, anguleni vanalume vatanu na vavali akati keni vaje vamuzivuka ngeci vanashulu na Munzinzime Wakujela vali na mana, tuvake ngeci vapange cipangi eci.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

Vilinga vya Miluwa 9:39

Ngecivene, Petulu wakatukile waile navo. Omo wetele vamutwalele ku mulili wa akamwa kuje vifwile voshe vamuzengelekele nakulila nakumumwesa vimbinja na vikoveyo vije vyalingile Ndokasi a simbu wakele nakuyoya.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

1 Timateo 2:10

oloni na vilinga vyavivwa, ngwe mucinapande kuli vanakazi vaje vanapu vaka-kukulaela.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 3:7

Napande kupwa munalume wa kasingimiko kuli vanu vaje vali anja ya cikungulukilo, ngeci kesi azive shwamwa nakuwila mu mweto wa Liyavola.

1 Timateo 5:16

Oloni nga munakazi umo muka-Yesu ali na vifwile mu naanga yendi, napande kuvalela, co kesi atwike citele ku cikungulukilo, ngeci cikungulukilo cilele lika vifwile vaje kuvesi na ava vavalela.

1 Timateo 5:25

Mu ngila imolika, vilinga vyavivwa visholoka mwamuvwa anja, co nambe vivanda oloni kuvikasa kuvanda.

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

2 Timateo 1:5

Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo.

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.

2 Timateo 3:17

ngeci munu uje apangela Njambi apwe wamutunu nakushula kwakuvwa mukupanga vipangi vyoshe vyavivwa.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Tito 3:1

Anukisa vanu vove vapwe vaka-kulikeesa kuli vaka-kushwana na vaje vali na moko yakushwana, ngeci vavononoke, nakulivwaesela mukulinga mwamuvwa mu vyuma vyoshe.

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 10:24

Ngecivene, tuliyongoleni umo na mukwavo nakulikwasa umo na umo nakumwesa cizemo nakulinga mwamuvwa.

VaHevelu 13:2

Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 4:9

Lijumbuleni umo na mukwavo kujeneka kungunguta.

3 Yowano 1:12

Vanu voshe valinakushangazala Ndemetelyase,vushunga vulyambulula vukevwo vavenya ali ikeye. Co netu tuwezelelako vukaleo vwetu, co mwazivuka ngweni vije vitulinakwendeka vinapu vya vushunga.