1 Timateo 4:8 - Livulu lya Shukulu Kalunga

⁸ Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Timateo 4:8 Iomraidhean Croise

Yombi 22:2

“Kuma munu asa kupwa wa seo kuli Njambi ndi? Munu uje ali na mana na seo ku mesho endi vavenya?

Yombi 36:11

Nga vononoka kuli Njambi nakumupangela, co vakayoya mwamuvwa mu kwoloka.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 37:11

Vaka-kulikeesa vakashwana mu lifuti, co vakajolela nakukala mu kwoloka.

Myaso 37:29

Vaka-vushunga vakakala mu lifuti, co vakayoyelamo ku myaka yoshe.

Myaso 37:9

Vaje vakulaela kuli Shukulu Kalunga, vakashwana mu lifuti, oloni vaka-vuvi vakavashekela anja.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Visimo 19:23

Kukomoka Shukulu Kalunga kunena mwonyo wa vushunga, uje alingamo akahwima mwamuvwa kujeneka lyova lya vushonde.

Visimo 22:4

Ononoka Shukulu Kalunga, pwa muka-kulikeesa, co ukawana vufuko, na kasingimiko nakuyoya simbu yakama.

Muka-kwambulula 8:12

Muka-vuvi nasa kulinga milonga 100 oloni anga aciyoya. Eyo, njizivuka vivalinakwendeka ngwavo, “Nga ukomoka Njambi, co vyuma vyoshe vikapwa vyavivwa kuli yove,

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Isaya 33:16

Asinoni mukakala mwamuvwa, ngwe muli mu cimpaka cakukola. Mukakala na vyakulya na mema akunwa.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Mateo 12:32

Co woshe uje endeka lijwi limo lyakushaula Muna Munu vakamusambesa, oloni uje ashaula Munzinzime Wakujela kuvakamusambesa, nambe simbu ino, nambe simbu ya kulutwe.

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mako 10:30

akatambula vyavingi manene a simbu eyi vene. Akatambula kutuvakana 100 vinjuvo, na vandolome, na vandokazi, na vaina, na vana, na mahya, na tuyando, co a simbu ije ikaija akatambula mwonyo wa myaka yoshe.

Luka 5:38

Oloni vinyu vyaviha vavilongela mu vinjeke vya vilambu vyaviha.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 3:22

nambe Paulu nambe Apolo nambe Petulu nambe kaye kano nambe mwonyo nambe kutsa nambe vyuma evi viliko nambe vije vikaija kulutwe, vyoshe evi vinapu vyeni,

1 Kolinte 8:8

Nameme ngoco, vyakulya kuvyasa kutuvwaesa ku mesho a Njambi, nacimo cai citukwasa nambe kutuli, co nacimo cai tuwanao nambe tulya.

1 Timateo 4:7

Oloni litenge ku visimo vyangoco, vije kuvyapandelemo kuvyambulula. Linyunge yove vavenya mukuyoya kwa vu Njambi.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

1 Timateo 6:5

na vimata simbu yoshe kuli vanu vaje mana avo kuwesi kupanga, co kuvesi na vushunga. Vayongola ngwavo ngila ya vu Njambi ikeyo yapwa yakufukisa.

1 Timateo 6:6

Eyo, vu Njambi vwasa kutufukisa, nga yetu tupwisamo na vyuma vije tulinavyo.

2 Timateo 3:5

vakakakateya vyuma vya cifwa cakulemesa Njambi, oloni vakavyana nzili yavyo. Litenge ku vanu va cifwa cangacije.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.