1 Timateo 4:4 - Livulu lya Shukulu Kalunga

⁴ Omwo vyuma vyoshe vije vyanatanga Njambi vinapu vyavivwa, nacimo twasa kuvyana cai, oloni vyoshe twasa kuvitambula na lilombelo lyakukandelela,

1 Timateo 4:4 Iomraidhean Croise

Kushangumuka 1:31

Asinoni Njambi wakengele a vyuma vyoshe vije vyatangele, wamwene ngeci vinavwaa manene. Cingwezi lyatokele, co mutondo lyakile, lije lyapwile litangwa lyamucitanu na limo.

Vilinga vya Miluwa 10:15

Co lijwi lyendekele kuli ikeye lalo ngwalyo, “Vije vyanajelesa Njambi kesi uvitumbule ngwove vya mazilo.”

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Vilinga vya Miluwa 21:25

Oloni ali vaje kesi vaYunda vanapu vaka-kukulaela, tunavatumina laja mukanda wakuvaleka ngwetu tunayongola ngwetu kuvapandele kulya vyakulya vije vanakombelela ku tumponya, nambe maninga, nambe kasitu wakutikinya, co vanapande kulitenga ku vupangala.”

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

Loma 14:20

Kesi unyongese vije vyanalingi Njambi omwo akulya lika. Vyakulya vyoshe vasa kuvilya, oloni kesi mwamuvwa kulya cuma cimo cije casa kulingisa umo ngeci awile mu vuvi.

Loma 14:6

Woshe uje ayongola seo ya litangwa limo napande alinge ngeci mukusingimika Mwene, woshe uje alya cuma coshe-icoshe napande kucilya mukusingimika Mwene, omwo akandelela kuli Njambi a vyakulya. Woshe uje avyana kulya vyakulya vimo avyana mukusingimika Mwene, co akandelela kuli Njambi.

1 Kolinte 10:23

Ngecivene, vendeka ngwavo, “Vanatutavesa kulinga coshe-icoshe.” Eyo, mwa vushunga vene, oloni kesi vyuma vyoshe vyavivwa. “Vanatutavesa kulinga vyuma vyoshe,” oloni kesi vyuma vyoshe vikwasa embwe.

1 Kolinte 10:25

Munapande kulya cuma coshe cakulandesa mu mwela wavulandeselo vwa situ, kesi mwihule vihula vimo omwo a citaku-taku ceni.

1 Kolinte 10:26

Ngwe muvyendeka visoneka ngwavyo, “Asi na vyoshe vije vilimo vyapwa vya Shukulu Kalunga.”

1 Kolinte 10:30

Nga njikandelela kuli Njambi a vyakulya vyange, omwo vikajo munu weka anjana mulonga a vyakulya vije njinakandelela?”

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

1 Timateo 4:3

Vanu va cifwa cangacije valinakulongesa ngwavo kesi mwamuvwa kwambata nakulya vyakulya vimo. Oloni Njambi ikeye watangele vyakulya evi ngeci vavilye, omo munalombela lilombelo lyakukandelela, kuli vaje vaka-kukulaela vaje vanete akuzivuka vushunga.