1 Timateo 4:12 - Livulu lya Shukulu Kalunga

¹² Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 4:12 Iomraidhean Croise

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

1 Kolinte 11:1

Njitembunwineni, ngwe yange lalo njitembunwina Kilistu.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

2 Timateo 2:7

Yongola a vyuma evi njilinakwendeka, omwo Mwene akakwana kuzivisisa kwa vyuma vyoshe.

Tito 2:15

Longesa vyuma evi, co pangesa moko yove omo utakamesa nakuvindika vaje vakakukutolilila. Kesi utave umo wavo akuyelwise.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.