1 Timateo 3:2 - Livulu lya Shukulu Kalunga

² Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 3:2 Iomraidhean Croise

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 2:36

Co kwakele umo Ana, muka-kwimanena wa munakazi, muna Fanwele wa ku muyati wa Ashele. Ikeye wapwile kakulukazi. Washombokele a myaka itanu na ivali,

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Filipu 2:15

ngeci mupwe vaka-kujeneka mulonga na vaka-kujeneka kapayo ngwe muvanapande kupwa vana va Njambi, vaje valinakuyoya mu kaye ka kupenga-penga na akati ka vanu vaka-vuvi. Yeni munapande kutwa ceke akati kavo ngwe vingongonosi vitwa ceke mwilu,

1 Timateo 3:12

Mukwasi wa cikungulukilo napande kupwa muka-munakazi umolika, uje asa kunyunga vana vendi mwamuvwa amo na naanga yendi.

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

1 Timateo 4:3

Vanu va cifwa cangacije valinakulongesa ngwavo kesi mwamuvwa kwambata nakulya vyakulya vimo. Oloni Njambi ikeye watangele vyakulya evi ngeci vavilye, omo munalombela lilombelo lyakukandelela, kuli vaje vaka-kukulaela vaje vanete akuzivuka vushunga.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

1 Timateo 5:22

Kesi uzambule vwasi-vwasi kukambeka mavoko ali vanu mukuvakundika ku vipangi vya Mwene. Kesi ulipandakane mu vuvi vwa vanu veka, linyunge yove vavenya nakulijelesa.

1 Timateo 5:9

Kesi uwezeleleko vifwile veka lalo ku mukana wa mazina a vifwile kuvanga ikeye natuvakana myaka makumi atanu na limo ku vukulunu vwendi. Mukuwezelelako, napande kupwa munakazi wa munalume umolika,

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

Tito 2:2

Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya.

VaHevelu 13:2

Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 4:9

Lijumbuleni umo na mukwavo kujeneka kungunguta.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.