1 Timateo 3:15 - Livulu lya Shukulu Kalunga

¹⁵ Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Timateo 3:15 Iomraidhean Croise

1 Vimyene 2:2

“Simbu yange ya kutsa inete. Pwa muka-kusimpa, co kala na nzili,

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

1 Mizimbu 22:13

Nga wononoka mashiko oshe aje aanene Shukulu Kalunga kuli Mosesa ali Isalele, co ukavezika. Pwa muka-kukolesa nakusimpa, co kesi utave cuma cimo cikuzivise lyova.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Njelemiya 1:18

Co yange njikakupwisa nganda yakukola manene, nambe ngwe manda ya vutale, nambe civumbe ca vunengu, mukulwisa lifuti lyoshe, vimyene voshe va mu Yunda, na vamyata vamwo, na vaka-kukombelela vamwo, na vanu voshe va mu lifuti.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 18:18

“Mwa vushunga njimileka ngwange, vyuma vyoshe vimukakuta ano asi, na mwilu vakavikuta lalo, co vyuma vyoshe vimukazitula ano asi, vakavizitula lalo mwilu.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

Loma 9:26

Co ku mutambela kuje kuvavalekele ngwavo, ‘Kesi mu vanu vange,’ co kuje vene vakavatumbula vana va Njambi wakuyoya.”

1 Kolinte 10:32

Yoya mu ngila ije kuyasa kwana vukalu nambe kuli vaYunda nambe kuli vaje kesi vaYunda nambe ku cikungulukilo ca Njambi.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

2 Kolinte 6:7

na a lijwi lyetu lya vushunga na a nzili ya Njambi. Vushunga tunavupwisa vitwa vyetu vwakulwisa navyo na vyakutwamena.

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

Ngalatiya 3:1

Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 3:14

Omo njilinakusoneka ou mukanda kuli yeni, njili na cinyangavili cakwija kuli yeni vwasi nakumimona.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 3:5

Omwo nga munu kasa kunyunga naanga yendi, co vatijo akasa kulela cikungulukilo ca Njambi?

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

2 Timateo 2:20

Mu njuvo yakama mwakala vimbasiya na malonga a miyati yoshe, vimo vavipanga na siliva na ngolinde, vikwavo na viti na vuma, vimo vyakupangesa ku vutumbe vwavuvwa, vikwavo vyakupangesa a simbu yoshe-iyoshe.

VaHevelu 10:21

Tuli na Muka-kukombelela Wakama ikeye ashika mu njuvo ya Njambi.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

Kujombolola 7:2

Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.