1 Timateo 3:13 - Livulu lya Shukulu Kalunga

¹³ Omwo vaje vakwasi vapanga vipangi vyavo mwamuvwa vawanenamo lutsimo lwaluvwa, co vasa kwendeka nakusimpa akukulaela kwavo muli Kilistu Yesu.

1 Timateo 3:13 Iomraidhean Croise

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Luka 19:17

Co wendekele kuli ikeye ngwendi, ‘Unalingi mwamuvwa manene, u ngamba wamuvwa! Omwo walongwele mu vyuma vyavindondo, ngecivene, njikakupwisa muka-kutwamenena vinganda likumi.’

Vilinga vya Miluwa 21:35

Co vaile nendi noo vetele ku vindondelo, co mashwalale vamwambatele omwo mbunga ije vakele na muuka manene.

Vilinga vya Miluwa 6:15

Co voshe vatumbamene muje mu Munga mesho avo akengele ali Setefano, co vamwene ngeci cihanga cendi casholokele ngwe ca kangelo.

Vilinga vya Miluwa 6:5

Co mbunga yoshe vavwaelelele manene na viyongola vya miluwa, ngecivene, vaangwile Setefano, munalume washulile nakukulaela na Munzinzime Wakujela, na Filipu na Polokolase na Nikanole na Timoni na Palamenase na Nikolau kesi kaYunda wa ku Antyoke uje akulivanga watengulukile nakukava futisi ya vaYunda.

Vilinga vya Miluwa 6:8

Co Setefano, mukushula na vivezikiso vya Njambi nakushula na nzili, walingile vizivukiso na vikomokeso vyakama akati ka vanu.

1 Kolinte 16:15

Munazivuka Setefanase na naanga yendi, vakevo vaka-Yesu vakulivanga kutenguluka mu Akaya, co vanalyana vakevo vavenya kupangela vanu va Njambi. Njimilambelela, vavusamba vange,

Filipu 1:14

Co kukala kwange mu kamenga cinakwasa manene vaka-kukulaela kukulaela manene muli Mwene, ngeci vapwe vaka-kusimpa simbu yoshe mukwambulula lijwi kujeneka lyova.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

1 Timateo 3:14

Omo njilinakusoneka ou mukanda kuli yeni, njili na cinyangavili cakwija kuli yeni vwasi nakumimona.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.