1 Timateo 3:1 - Livulu lya Shukulu Kalunga

¹ Evi vinapu vyendeka vya vushunga, nga munu umo ashungwiya vipangi vya vuntwama mu cikungulukilo ikeye ashaka vipangi vyavivwa.

1 Timateo 3:1 Iomraidhean Croise

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Vilinga vya Miluwa 1:20

“Omwo vanasoneka mu livulu lya Myaso ngwavo, ‘Njuvo yendi ipwe ya mupulungwa, kesi mukale umo mu njuvo yendi.’ Vanasoneka lalo ngwavo, ‘Munu weka akahinge a vipangi vyendi.’

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Loma 11:13

Njilinakwendeka ololo kuli yeni kesi vaYunda ngwange, ngwe omo njinapu muluwa kuli vaje kesi vaYunda, njikalyalesa mu vipangi vyange.

Efeso 4:12

Walingile eci mukuvwaesela vanu va Njambi vipangi vya vuka-Yesu, mukutunga muvila wa Kilistu.

Filipu 1:1

Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

1 Timateo 4:9

Evi vinapu vyendeka vya vushunga, ngeci tuvitambule mwamuvwa nakuvikulaela.

2 Timateo 2:11

Evi vikevyo vyendeka vya vushunga, “Nga tunatsi amo nendi, co tukayoya lalo amo nendi.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

1 Petulu 4:15

Nga umo ayanda, kesi ayande omwo ikeye napu muka-kutsiya nambe omwo ikeye napu mwizi nambe omwo ikeye napu lipwepwe nambe omwo ikeye muka-kulyaka ku vin̄anda vya vakwavo.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.