1 Timateo 2:8 - Livulu lya Shukulu Kalunga

⁸ Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

1 Timateo 2:8 Iomraidhean Croise

1 Vimyene 3:11

co Njambi wendekele kuli Solomoni ngwendi, “Omwo unalombo mana akushwana mu vushunga, oloni kuwalombele mwonyo wakuyoya simbu yoshe, nambe vufuko nambe kutsa kwa vitozi vove, oloni unalombo mana akusompa mwamuvwa,

Yombi 16:17

oloni yange kunjesi na mulonga nambe lwozi lwai, co lilombelo lyange linapu lyakujela kuli Njambi.

Myaso 134:2

Junduleni mavoko eni mukulombela ku Njuvo yakujela, co shangazaleni Shukulu Kalunga.

Myaso 141:2

Lilombelo lyange lipwe ngwe insense ku mesho ove, tambula majwi ange anjilombela ngwe muukatambula n̄ombelo ya cingwenzi.

Myaso 24:4

Kuvanga vaje vanajele mu vimbunge, nakulinga vipangi vyavivwa, vaje kuvesi kulemesa tumponya, nambe kulinga mazivasano a makuli.

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Myaso 28:2

Njitolilile omo njitambeka kuli yove ngeci unjikwase, omo njolola mavoko ange ku Njuvo yove yakujela.

Myaso 35:13

Oloni omo vakele nakuvinja, njazalele cikeleya, co njalikeesele nakulikela kulya, njalombelele nakulikulamena,

Myaso 63:4

Njikakushangazala simbu yoshe yakuyoya kwange, njikajundula mavoko ange nakulombela kuli yove.

Myaso 66:18

Nga njashwekele vuvi vwange, nga Shukulu Kalunga kanjitolilile.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Mateo 5:44

Oloni yange njimileka ngwange, zemeni vitozi veni, co lombeleleni vaje valinakumiyandesa,

Mateo 6:12

tusambese ku milonga yetu, ngwe yetu lalo mutukasambesa vaka-kutuvulumwina.

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Luka 24:50

Co watuukile navo mu nganda wavatwalele kuyehi na Mbetaniya, kuje wajundwile mavoko endi nakuvavezikisa.

Yowano 4:21

Yesu wendekele kuli ikeye ngwendi, “Ove munakazi njikulaele, simbu ilinakwija omo vanu kuvakalemesela Tate a munkinda ou nambe mu Yelusalema.

Vilinga vya Miluwa 10:2

Wapwile munalume wa kulongwa, ikeye na naanga yendi yoshe vakomokele Njambi. Wakwasele lalo manene vanu vakuutwa, co simbu yoshe wakele nakulombela kuli Njambi.

Vilinga vya Miluwa 10:31

co wendekele kuli yange ngwendi, ‘Konelyasi! Njambi nazivi kulombelo kwove, co nanuka vipangi vyove vyavivwa.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Vilinga vya Miluwa 21:5

Oloni omo simbu yetu yakukala navo yahwile, twakatukile twaile vungenzi vwetu. Co vakevo voshe, amo na vanakazi vavo na vanike, vatusindikiiye kututuwisa mu nganda nakuya ku kenge ya mema a kalunga kuje tuvavoshe twakatsikamene nakulombela.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 7:7

Nameme ngoco njishaka ngwange muva voshe mufwe ngwe yange, oloni munu na munu ali na vwana vuje vwanamwana Njambi, ou na vwana vwendi, mukwavo lalo na vwana vweka.

2 Kolinte 2:14

Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

Filipu 1:12

Njishaka muzivuke, vakwetu, ngwange vyuma evi vinalingiwa kuli yange vinakwasa kutwala muzimbu wauvwa kulutwe.

1 Tesalonika 1:8

Omwo kesi lika ngwe lijwi lya Mwene lyatundile kuli yeni mu Masendoniya na mu Akaya embwe, oloni lutsimo lwa kukulaela kweni kuli Njambi lunashandokela kwoshe-ikwoshe. Ngecivene, nacimo cai citwasa kwendeka.

1 Timateo 5:14

Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 3:7

Mu cifwa cimo vene, yeni vanalume lalo mukukala amo na vanakazi veni munapande kuzivisisa mwamuvwa ngweni vakevo vapwa vakuvotsiya ku cisemwa cavo. Pangeni navo na kasingimiko, omwo na vakevo lalo vakatambula amo neni vwana vwa Njambi vwa mwonyo. Lingeni ngeci kutewa cuma cimo cikatanganesa malombelo eni.