1 Timateo 2:1 - Livulu lya Shukulu Kalunga

¹ Ngecivene, akulivanga, njimisindiya ngwange lambeleleni, lombeleni, kwihula, kulomba na kukandelela vanapande kuvyana kuli Njambi ali vanu voshe,

1 Timateo 2:1 Iomraidhean Croise

Ezela 6:10

Evi vinapande kulingiwa ngeci vakombelele vin̄ombelo vije vyatambula Njambi wa Mwilu nakulomba vivezikiso vyendi viije ali yange na ali vana vange va vanalume.

Myaso 72:19

Shangazaleni lizina lyendi lya vumpau ku myaka yoshe! Kaye koshe kashule na vumpau vwendi! Ewa! Ewa!

Njelemiya 29:7

Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

2 Kolinte 8:6

Ngecivene, twasindiiye Tito, uje washangumukile vipangi evi, kutwalelelao nakumikwasa noo munamanesa vipangi evi vya cizemo.

Efeso 3:13

Ngecivene, njimilomba ngwange kesi muzeye a n̄avava yange njilinakuwana omwo ali yeni, vyoshe evi vinapu vije vimuwanao.

Efeso 5:20

Simbu yoshe kandeleleni kuli Njambi Tatetu mu vyuma vyoshe mu lizina lya Mwene yetu Yesu Kilistu.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Filipu 1:3

Njikakandelela kuli Njambi yange omwo ali yeni simbu yoshe njikamiyongola,

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

1 Tesalonika 3:12

Mwene akolese cizemo ceni kuli umo na mukwavo na kuli vanu voshe nakucipwisa cakama ngwe cizemo cetu kuli yeni.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

1 Timateo 2:4

uje ashaka ngeci vanu voshe vovoke nakweta kukuzivuka vushunga.

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

Tito 2:11

Omwo Njambi nasholola kutetela kwendi mukwamena vanu voshe.

Tito 3:2

Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.