1 Timateo 1:5 - Livulu lya Shukulu Kalunga

⁵ Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

1 Timateo 1:5 Iomraidhean Croise

Myaso 24:4

Kuvanga vaje vanajele mu vimbunge, nakulinga vipangi vyavivwa, vaje kuvesi kulemesa tumponya, nambe kulinga mazivasano a makuli.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Zefaniya 3:7

Co njayongwele ngwange amo vanu vange vakasa kunjikomoka nakutava kunangula kwange, ngeci kesi vakevale vilongesa vije vinjavalongesele. Oloni vwasi-vwasi vonwele kulisingimika, co valingile vyuma vyavivi manene kutuvakana muje mwalaja.”

Mateo 12:35

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, co munu wamuvi akasholola vyuma vyavivi ku vufuko vwendi vwavuvi vwa mu mbunge.

Mateo 5:8

“Vanavezika vaje vaka-kujela mu vimbunge, omwo vakamona Njambi!

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Vilinga vya Miluwa 23:1

Paulu wakengele shwii ali ije Munga, co wendekele ngwendi, “Vavushoko vwange vaIsalele! Viyongola vyange vinapu vya vushunga a ngila ije injinayoyo nayo ku mesho a Njambi nakweta ku litangwa lya lelo.”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Loma 10:4

Omwo Kilistu namanesa Lishiko, ngeci munu woshe uje akulaela vamupwise muka-vushunga ku mesho a Njambi.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 14:15

Nga uvulumuna mukweni omwo a cuma cimo ciwulya, co kuwesi nakulinga vya cizemo embwe. Kesi utave vyakulya vije viwulya vinyongese munu uje yanatsililile Kilistu!

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

1 Kolinte 13:1

Nga njendeka mu vindaka vya vanu nambe vya tungelo, oloni nga kunjesi na cizemo, njinapu ngwe kutenda kwa vutale nambe kwoya kwa ngenjo.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

1 Timateo 1:18

Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa,

1 Timateo 1:19

co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo.

1 Timateo 3:9

vanapande kukakateya vushunga nakusholoka kukulaela na citaku-taku cakutungukwa.

2 Timateo 1:3

Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya.

2 Timateo 1:5

Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

Tito 1:15

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.

2 Petulu 1:7

co ku vuNjambi vweni wezeleleniko cizemo ca vuka-Yesu, na ku cizemo ceni ca vuka-Yesu wezeleleniko cizemo.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.