1 Timateo 1:17 - Livulu lya Shukulu Kalunga

¹⁷ Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 1:17 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Myaso 10:16

Shukulu Kalunga ikeye wapwa mwene wa ku myaka yoshe, vaje valemesa vinjambi veka vakanyonga mu lifuti lyendi.

Myaso 106:48

Shangazaleni Shukulu Kalunga Njambi wa Isalele ku myaka yoshe, vanu voshe vendeke ngwavo, “Ewa!” Shangazaleni Shukulu Kalunga!

Myaso 145:13

Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Myaso 41:13

Wakushangazala Shukulu Kalunga Njambi ya Isalele, mushangazaleni lelo na ku myaka yoshe! Ewa! Ewa!

Myaso 45:1

Mbunge yange inashulu na majwi amavwa, omo njilinakumanga mwaso ou kuli mwene, ndaka yange inafu ngwe munu uje azivuka kusoneka mwamuvwa.

Myaso 45:6

Litanda lyove lya vumwene yove Njambi, likakalako ku myaka yoshe! Mulamu wa vumwene vwove ukewo mulamu wa vushunga.

Myaso 57:11

Mwesa vukama vwove mwilu ya melu yove Njambi, na vumpau vwove ano asi oshe!

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 1:23

co vanalikela kulemesa Njambi wakuyoya myaka yoshe, oloni valemesa vyuma vya vifwa vya munu uje kesi kuyoya myaka yoshe na vifwa vya tuzila nambe tusitu nambe vyakulikoka.

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Loma 16:27

Kuli Njambi umolika, uje ikeye lika muka-mana oshe, kukale vumpau ali Yesu Kilistu ku myaka yoshe! Ewa.

Loma 2:10

Oloni Njambi akaana vumpau na kasingimiko na kwoloka kuli voshe vaje valinga mwamuvwa, akulivanga kuli vaYunda, co lalo na kuli vaje kesi vaYunda.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Kolose 1:15

Kilistu ikeye napu cifwa ca Njambi uje kutwasa kumona. Ikeye Mwana wa ntwatwa, mutwe wa vyuma vyoshe vyakutanga.

VaHevelu 11:27

Akukulaela, Mosesa watundile mu Ingito kakele na lyova lyakutewa vukalu vwa mwene. Nambe ngwe namono laja Njambi uje kutwasa kumona, co wavyanene kwilukilako.

VaHevelu 2:7

Yove wamwakele kasimbu kakandondo lika mwisi ya tungelo, wamuzikile cilongo ca vumpau na kasingimiko,

1 Petulu 5:11

Kuli ikeye kukale nzili ku myaka yoshe! Ewa.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

1 Yowano 4:12

Naumo wai wamona Njambi; oloni nga tulizema umo na mukwavo, co Njambi akayoya muli yetu, na cizemo cendi cinapu ca vushunga muli yetu.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 7:12

vendekele ngwavo, “Ewa! Kushangazala na vumpau na mana nakukandelela na kasingimiko na nzili na vukama vyapwa vya Njambi yetu ku myaka yoshe! Ewa!”