1 Timateo 1:16 - Livulu lya Shukulu Kalunga

¹⁶ Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe.

1 Timateo 1:16 Iomraidhean Croise

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

Myaso 25:11

Omwo a lizina lyove yove Shukulu Kalunga, njisambese ku vuvi vwange, omwo vwavungi manene.

Kutuuka 34:8

Vwasi-vwasi Mosesa watsikamene a mavuli nakulemesa.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Kulava 23:3

Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 23:43

Yesu wamulekele ngwendi, “Mwa vushunga njikuleka ngwange, lelo vene ukakala nange mu Citungu ca Njambi.”

Luka 7:47

Njikuleka ngwange, vivi vyendi vyavingi vanavisambesa omwo namwesa cizemo cendi cakama. Oloni kuli uje vanecela vyavindondo, akamwesa cizemo cacindondo.”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Yowano 6:54

Woshe alya muvila wange nakunwa maninga ange ali na mwonyo wa myaka yoshe, co njikamusangwila ku mwonyo a litangwa lyakukotoka.

Vilinga vya Miluwa 13:39

Co munapande kuzivuka ngeci woshe uje akulaela kuli ikeye napatuka ku vivi vyoshe kuje Lishiko lya Mosesa kulyasele kumipatuka.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

1 Kolinte 7:25

Ololo, a vin̄anda vije mwasonekele ali vazike, kunjesi na lishiko lyakutunda kuli Mwene, oloni njimyana viyongola vyange ngwe umo uje a kutetela kwa Mwene napu muka-vushunga.

2 Kolinte 4:1

Njambi mukutetela kwendi natwana vipangi evi, ngecivene, kutwasa kujuka.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

1 Timateo 1:13

nambe akulivanga njendekele vyuma vyavivi ali ikeye nakumupakesa nakumushaula. Oloni Njambi wanjizivilileko mema ku mbunge omwo te kanda njikulaele, co kunjazivukile cuma muka cije njakele nakulinga.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Petulu 3:20

Eyi ikeyo minzinzime ya vaje vavyanene kwononoka Njambi omo wavandamenene na lukakateya a matangwa aje Nowa washongele vwato. Vanu vavandondo vaje vakele mu vwato, vapwile vatanu na vatatu, vakevo vovokele ku mema,

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.