1 Timateo 1:15 - Livulu lya Shukulu Kalunga

¹⁵ Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

1 Timateo 1:15 Iomraidhean Croise

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:11

Omwo Muna Munu wezile mukwamena vaka-kuzimbala.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mako 2:17

Co omo Yesu wazivileko, wendekele navo ngwendi, “Vakangule kuvesi kusetela cimbanda embwe, kuvanga vaka-kuvinja lika. Yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Luka 15:2

vaFaliseo na valongisi va majwi a Lishiko vangungutile ngwavo, “Ou munalume akatambula vaka-vuvi nakulya navo.”

Luka 19:10

Muna Munu wezile nakushakezeka nakwovola vaka-kuzimbala.”

Luka 5:32

Omwo yange kunjezile mukusana vanu vaje vanalimono vakevo vavenya ngwavo vaka-vushunga ngeci vatenguluke, oloni vanu vaje vaka-vuvi.”

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 12:47

Woshe aziva muzimbu wange, co kawononoka, yange kunjikamusompo, omwo kunjezile mukusompa vaka-kaye embwe, oloni mukuvovola.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Vilinga vya Miluwa 11:1

Miluwa na vaka-kukulaela voshe va mu Yundeya vazivile ngwavo vaje kesi vaYunda navo lalo vanatambula lijwi lya Njambi.

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 3:26

Co Njambi waangwile Ngamba yendi, co wamutumine kuli yeni akulivanga, mukumivezikisa ngeci munu woshe atunde ku vingila vyendi vya kupenga-penga.”

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 5:6

Omwo a simbu ije twapwile tuvakuzeya, Kilistu watsililile vaka-vuvi a simbu ije yaangwile Njambi.

1 Kolinte 15:9

Omwo yange njapwa wakukotokela kuli voshe miluwa, kunjapandelemo mukunjitumbula muluwa, omwo njapakesele cikungulukilo ca Njambi.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

1 Timateo 1:13

nambe akulivanga njendekele vyuma vyavivi ali ikeye nakumupakesa nakumushaula. Oloni Njambi wanjizivilileko mema ku mbunge omwo te kanda njikulaele, co kunjazivukile cuma muka cije njakele nakulinga.

1 Timateo 1:19

co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo.

1 Timateo 3:1

Evi vinapu vyendeka vya vushunga, nga munu umo ashungwiya vipangi vya vuntwama mu cikungulukilo ikeye ashaka vipangi vyavivwa.

1 Timateo 4:9

Evi vinapu vyendeka vya vushunga, ngeci tuvitambule mwamuvwa nakuvikulaela.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

2 Timateo 2:11

Evi vikevyo vyendeka vya vushunga, “Nga tunatsi amo nendi, co tukayoya lalo amo nendi.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

1 Yowano 5:11

Ngecivene, ovu vukevwo vukaleo, Njambi natwana mwonyo wa myaka yoshe, co mwonyo ou uli muli Munendi.

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”

Kujombolola 22:6

Co kangelo wendekele kuli yange ngwendi, “Majwi awa anapu a vushunga, co vasa kuwakulaela. Co Shukulu Kalunga Njambi, uje muka-kwana Munzinzime wendi kuli vaka-kwimanena, natumu kangelo kendi mukumwesa vangamba vendi vije vikalingiwa ololo.”

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.