1 Timateo 1:14 - Livulu lya Shukulu Kalunga

¹⁴ Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 1:14 Iomraidhean Croise

Kutuuka 34:6

Asinoni Shukulu Kalunga wetile kulutwe lwendi, co walitumbwile lizina lyendi ngwendi, “Yange Kalunga, njapwa Njambi uje washula na kutetela na mema ku mbunge, uje kesi kuluvala vwasi, muka-kulongwa na muka-kumwesa cizemo cije kucesi kutenguluka.

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Vilinga vya Miluwa 15:11

Embwe! Tukulaela, co twovoka a kutetela kwa Mwene Yesu, ngwe vakevo lalo.”

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 3:10

Akupangesa vwana vuje vwanjanene Njambi, njalingile vipangi vya muka-kutunga wa vutongwe nakujala luvula, co munu weka lalo alinakutungilao. Oloni munu na munu napande kunyanyama omo alinakutungila a luvula luje.

2 Kolinte 13:14

Kutetela kwa Mwene Yesu Kilistu na cizemo ca Njambi na kulitombola kwa Munzinzime Wakujela vikale neni voshe.

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Ngalatiya 1:13

Vamileka laja munjafwile omo njakundamene ku futisi ya vuYunda, muje munjayandesele cikungulukilo ca Njambi kujeneka mema ku mbunge, co njesekele na nzili yange yoshe ngeci njicinyongese.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.

1 Timateo 2:15

Oloni munakazi vakamwamena akukita vana, nga akakateya mukukulaela na mu cizemo na mukujela na kasingimiko.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 1:13

Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

Tito 2:2

Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.

Kujombolola 22:21

Kutetela kwa Mwene Yesu kukale neni voshe. Ewa.