1 Timateo 1:10 - Livulu lya Shukulu Kalunga

¹⁰ na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

1 Timateo 1:10 Iomraidhean Croise

Kushangumuka 19:5

Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.

Kushangumuka 37:27

Tumulandeseni lika kuli ava vaIshimaela, kesi tumutsiye embwe omwo ikeye napu ndolome yetu, maninga etu amolika.” Vandolome vendi vamutavele,

Kushangumuka 40:15

omwo mwa vushunga vene, yange vanjivile mu lifuti lya vaHevelu, nameme muno mu Ingito yange kunjalingile cuma nacimo cai civananjakela muno mu kamenga.”

Kutuuka 20:7

“Kesi mukapangese lizina lyange mwamuvi, omwo yange Kalunga Njambi yeni, njikahisa voshe vaje vakapangesa lizina lyange mwamuvi.

Kutuuka 21:16

“Woshe uje aiva munu, nambe kumulandesa, nambe kumufuka ngwe ndungo, vanapande kumutsiya.

Hoziya 10:4

Vendeka majwi angoco nakulikumiiya vikumiiyo vya makuli nakulinga vusamba vwa makuli. Co vushunga vunemuka vuvi, vulinakukula ngwe shaku ya vushungu mu lihya livanalimi.

VaLevi 18:22

Munalume kapandele kulala na mukwavo munalume, capwa cizila. Njambi azinda eci.

VaLevi 20:13

Nga munalume alinga vundeyi na mukwavo munalume, vanalingi cuma ca shwamwa manene, co muvuvali vwavo vavatsiye, omwo kutsa kwavo kwakulishakela vakevo vavenya.

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Zakaliya 8:17

Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Loma 1:26

Omwo a cuma eci, Njambi navecelela ngeci valinge vyuma vya shwamwa ngwe ku mashungu avo. Nambe vanakazi vanatengulula kulinga vilika na vanalume mu ngila ya cisemwa, oloni valinakuvilinga mu vingila vije kuvyapandelemo.

Kwituluka mu Mashiko 24:7

“Nga munu ayiva mukwavo kaIsalele nakumupwisa ndungo nambe kumulandesa ku vundungo, vamutsiye. Mu ngila eyi mukatundisa vuvi ovu akati keni.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

2 Timateo 1:13

Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu.

2 Timateo 4:3

Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

Tito 1:13

Vije vyendekele vyapwile vya vushunga. Ngecivene, vendekele na majwi akuvambuka ngwe moko, ngeci vakele nakukulaela kwamutunu,

Tito 1:9

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 18:13

na sinamone na n̄undu na insense na fulankininsense na vinyu na mazi a olive na vunga vwa tiliku na tiliku na vingombe na vimanga na tuvalu na matemba na vindungo na vanu.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.