1 Tesalonika 5:9 - Livulu lya Shukulu Kalunga

⁹ Njambi katwangwile kuyandela vukalu vwendi embwe, oloni tukatambule kwovoka ali Mwene yetu Yesu Kilistu,

1 Tesalonika 5:9 Iomraidhean Croise

Yombi 23:14

Ikeye akashulisa vutumbe vuje watumbile ali yange, vutumbe vuje vunapu vumo vwa matumbe amangi aje alinawo,

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Mateo 26:24

Muna Munu akatsa ngwe muje muvasonekele, oloni ngongo yendi uje enda Muna Munu vungungu! Mwamuvwa kuli munu uje nga kasemukile!”

Vilinga vya Miluwa 1:20

“Omwo vanasoneka mu livulu lya Myaso ngwavo, ‘Njuvo yendi ipwe ya mupulungwa, kesi mukale umo mu njuvo yendi.’ Vanasoneka lalo ngwavo, ‘Munu weka akahinge a vipangi vyendi.’

Vilinga vya Miluwa 1:25

ngeci apange vipangi vya muluwa mu mwela wa Yundasa, uje waasezele nakuya ku mutambela wendi.”

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Loma 11:30

Ngwe ali yeni kesi vaYunda, kumwononokele Njambi ku san̄ulu, oloni ololo munatambula mema ku mbunge a Njambi omwo akujeneka kwononoka kwa vaYunda.

Loma 11:7

Vationi? Vanu va Isalele kuvawanene cije civakele nakushakezeka. Yapwile mbunga yaindondo lika vaje vaangwile Njambi vakevo vaciwanene, co vaje vasaleleo vapwile tusinda-matwi kukusana kwa Njambi.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 3:3

ngeci naumo wai wa ali yeni akeluke munima omwo a mapakeso awa. Yeni vavenya mwazivuka ngweni mapakeso awa anapu a ku cizango ca Njambi ali yetu.

1 Timateo 1:13

nambe akulivanga njendekele vyuma vyavivi ali ikeye nakumupakesa nakumushaula. Oloni Njambi wanjizivilileko mema ku mbunge omwo te kanda njikulaele, co kunjazivukile cuma muka cije njakele nakulinga.

1 Timateo 1:16

Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.