1 Tesalonika 4:6 - Livulu lya Shukulu Kalunga

⁶ Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Tesalonika 4:6 Iomraidhean Croise

Myaso 140:12

Shukulu Kalunga, njazivuka ngwange yove ukamena tuutu, nakwimanena vushunga vwa vaje vanajeneka.

Myaso 94:1

Shukulu Kalunga yove wapwa u Njambi muka-kuhisa vaka-vuvi, sholola vukalu vwove!

Kutuuka 20:15

“Kesi mukaive.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Visimo 11:1

Shukulu Kalunga wazinda vanu vaje vapangesa vipeseleso vya makuli, oloni avwaelela na vipeseleso vyavivwa.

Visimo 16:11

Shukulu Kalunga ashaka kupeselesa nakweseka kupwe kwa vushunga, ndando yoshe lalo inapande kupwa yaivwa.

Visimo 20:14

Vaka-kulanda simbu yoshe vakalinyenge manene akulonda kwa vindando, oloni mamaneselelo aya na kulyalesa na vyuma vije vyanalanda.

Visimo 20:23

Vulemu vwa vipeseleso vya makuli, na vipeseleso vya makuli vyapwa vya vunyengwe ku mesho a Shukulu Kalunga.

Visimo 28:24

Woshe uje ayongola ngeci kwivila vaishe nambe vaina kesi vuvi, ikeye vene napu musamba wa muka-kunyongesa.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Njelemiya 9:4

Munu na munu napande kunyunga mukwavo, naumo wai akulaela ndolome yendi, omwo ndolome woshe napu muka-kukwisa ngwe Yakomba, co munu woshe ashaka kufweya musamba wendi.

Ezekiyele 22:13

“Njikapangesa nzili yange ali yeni omwo vinganyo vyeni vya makuli vimunanganyala nakutsiya kuje munakala nakutsiya vanu.

VaLevi 19:11

“Kesi mukayive, nambe kwendeka makuli nambe kukwisa.

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 25:14

Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo.

VaLevi 25:17

Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Zefaniya 3:1

Yelusalema inanyongo, nganda ya vanu vaka-kutengulukila, na vaka-vuvi, vantwama vayo vakayandesa vanu vavo.

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Mako 10:19

Yove uzivuka mashiko ngwawo, ‘Kesi utsiye, kesi ulinge vupangala, kesi ukaive, kesi ukavangele mukweni vukaleo vwa makuli, kesi ukwise, singimika isho na vanyoko.’ ”

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Luka 16:28

kuje kuli vandolome vange vatanu. Aye akavanangule kutewa vaija kuno ku mwela wa tuyando twakama ngacije.’

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 13:4

omwo napu ngamba ya Njambi ngeci akulingile vuvwa. Oloni nga ulinga mwamuvi, co muzivile lyova, omwo nzili yendi ya kukunyanyamesa inapu ya vushunga. Ikeye napu ngamba ya Njambi, co alinakunena kunyanyamesa kwa Njambi kuli vaje valinga mwamuvi.

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kwituluka mu Mashiko 24:7

“Nga munu ayiva mukwavo kaIsalele nakumupwisa ndungo nambe kumulandesa ku vundungo, vamutsiye. Mu ngila eyi mukatundisa vuvi ovu akati keni.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

1 Tesalonika 2:11

Mwazivuka ngeci yetu twapangesele umo na umo weni ngwe visemi vapangesa vana vavo vavenya.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

VaHevelu 2:6

Oloni ngwe muje muvyendeka Visoneka ngwavo, “Yove Njambi, munu wapwa iyajo ngeci umuyongole? Nambe muna munu ngeci umwilule?

Yakomba 2:6

Oloni yeni muyengula tuutu! Veya vaje vakamiyandesa nakumikokela ku mesho a maako? Kuma kesi vaka-kufuka ndi?

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!