1 Tesalonika 4:5 - Livulu lya Shukulu Kalunga

⁵ kesi na mashungu amavi, ngwe vaka-kujeneka kukulaela vaje kuvazivuka Njambi.

1 Tesalonika 4:5 Iomraidhean Croise

Myaso 79:6

Hisa miyati ya vanu vaje kuvakuzivuka, vanu vaje kuvesi kukulemesa!

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Mateo 6:32

(Omwo vyuma vyoshe evi vikevyo vivakashakezeka vanu vaje vaka-kujeneka kukulaela.) Co Ishweni ali mwilu azivuka ngwendi munajeneka vyuma vyoshe evi.

Luka 12:30

(Omwo vaka-kujeneka kukulaela va ano a kaye simbu yoshe vakashakezeka vyuma vyoshe evi.) Omwo Ishweni wa mwilu azivuka ngwendi mushaka vyuma vyoshe evi.

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

Loma 1:24

Ngecivene, Njambi navecelela ngeci valinge vyuma vya mazilo ngwe ku mashungu a vimbunge vyavo, co valinga vyuma vya shwamwa kuli umo na mukwavo.

Loma 1:26

Omwo a cuma eci, Njambi navecelela ngeci valinge vyuma vya shwamwa ngwe ku mashungu avo. Nambe vanakazi vanatengulula kulinga vilika na vanalume mu ngila ya cisemwa, oloni valinakuvilinga mu vingila vije kuvyapandelemo.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

1 Petulu 4:3

Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.