1 Tesalonika 4:4 - Livulu lya Shukulu Kalunga

⁴ Munu ku munu kuli yeni vanalume azivuke vati napande kuyoya na munakazi wendi mu ngila yakujela na kalemeso,

1 Tesalonika 4:4 Iomraidhean Croise

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:24

Ngecivene, Njambi navecelela ngeci valinge vyuma vya mazilo ngwe ku mashungu a vimbunge vyavo, co valinga vyuma vya shwamwa kuli umo na mukwavo.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

1 Kolinte 7:2

Oloni omwo kuli vupangala manene, munalume woshe napande kukala na munakazi wendi, na munakazi woshe napande kukala na munalume wendi.

1 Kolinte 7:9

Oloni nga kuwasa kulinyunga ku mashungu ove, co ambata, mwamuvwa kwambata kutuvakana kukala na mashungu.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

1 Petulu 3:7

Mu cifwa cimo vene, yeni vanalume lalo mukukala amo na vanakazi veni munapande kuzivisisa mwamuvwa ngweni vakevo vapwa vakuvotsiya ku cisemwa cavo. Pangeni navo na kasingimiko, omwo na vakevo lalo vakatambula amo neni vwana vwa Njambi vwa mwonyo. Lingeni ngeci kutewa cuma cimo cikatanganesa malombelo eni.

1 Samwele 21:5

Ndaviti wamukumbulwile ngwendi, “Mwa vushunga nacimo civanalingi cai. Vanu vange simbu yoshe vaka-kulinyunga ku futisi yakujela omo vaya mu vipangi vyangoco, co vationi a simbu ino omo tuli mu vipangi vyakama?”