1 Tesalonika 4:3 - Livulu lya Shukulu Kalunga

³ Njambi ashaka ngeci mupwe vakujela nakupatuka ku vupangala.

1 Tesalonika 4:3 Iomraidhean Croise

Myaso 143:10

Njilongese kulinga cizango cove, omwo yove wapwa u Njambi yange. Munzinzime wove wauvwa, unjitwamenene mu ngila yaivwa.

Myaso 40:8

Njambi yange njizema kulinga cizango cove, njikanyunga vilongesa vyove mu mbunge yange.”

VaLevi 15:18

Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 5:32

Oloni yange njimileka ngwange, woshe akondola munakazi wendi kuvanga a mulonga wa vupangala, amupwisa muka-vupangala nga akashomboka lalo, co woshe ambata uje munakazi ivanakondola alinga nendi vupangala.

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mako 3:35

Woshe uje alinga cizango ca Njambi ikeye vene napu ndolome yange, na ndokazi yange, na vanana.”

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 1:29

Vanashulu na vyuma vyoshe vya kupenga-penga na vuvi na cipululu na cizindo, vanashulu na cipululu nakutsiya na lwozi na makuli na linyanyamena. Vafweya

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 7:2

Oloni omwo kuli vupangala manene, munalume woshe napande kukala na munakazi wendi, na munakazi woshe napande kukala na munalume wendi.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Efeso 5:17

Ngecivene, kesi mupwe vilema, oloni lingeni vije vyashaka Mwene ngeci muvilinge.

Efeso 6:6

Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 4:2

Omwo mwazivuka vilongesa vitwamilongesele na moko ya Mwene Yesu.

1 Tesalonika 4:4

Munu ku munu kuli yeni vanalume azivuke vati napande kuyoya na munakazi wendi mu ngila yakujela na kalemeso,

1 Tesalonika 5:18

kandeleleni mu visimbu vyoshe. Eci cikeco cashaka Njambi mukuyoya kweni muli Kilistu Yesu.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

2 Tesalonika 2:13

Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Yowano 2:17

Kaye na vyuma vyoshe vilimo vije vanu vashungwiya lilinakwita, oloni vaje valinga cizango ca Njambi vakayoya myaka yoshe.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.